ମୋବାଇଲ୍ ଫୋନ୍ ଲୁଟା ଘଟ୍ନା ଥି ୩ ଜନ୍ ଅଭିଯୁକ୍ତ କେ ଗିରଫ୍ କରି କୋର୍ଟ ଚାଲାଣ୍ କଲା ବଲାଙ୍ଗିର ସଦର୍ ପୋଲିସ୍
ବଲାଙ୍ଗିର, (କେପିଏନ୍ଏସ୍) : ମୋବାଇଲ୍ ଫୋନ୍ ଲୁଟା ଘଟ୍ନା ଥି ଆଜି ୩ ଜନ୍ ଅଭିଯୁକ୍ତ କେ ଗିରଫ୍ କରି କୋର୍ଟ ଚାଲାଣ୍ କରିଛେ ବଲାଙ୍ଗିର ସଦର୍ ପୋଲିସ୍ । ଇ’ ମାମ୍ଲା ଥି ଚନ୍ଦନ୍ଭାଟି ପାଖର୍ ବଘ୍ଲା ଗାଁର ସିଦ୍ଧାନ୍ତ ପଧାନଙ୍କର ସାଙ୍ଗେ ୨ ଜନ୍ ନାବାଲକ୍ କେ ଗିରଫ୍ କରାଯାଇଥିବାର୍ ସୂଚନା ମିଲିଛେ । ମିଲିଥିବାର ସୂଚ୍ନା ଅନୁସାରେ ଗଲା ୫ ତାରିଖ୍ ଦିନର ଉପର୍ବେଲା ପାଖାପାଖି ୫ ବଜେ ଖୁଜେନ୍ପାଲିର୍ ପଡ଼ିଆ ପାଖୁ ଜନେ ଶ୍ରମିକ୍ଙ୍କର୍ ଠାନୁ ଡରାଧୁପା କରି ତିନ୍ହି ଅଭିଯୁକ୍ତ ମୋବାଇଲ୍ ଫୋନ୍ ଛଡେ଼ଇ ନେଇଥିଲେ । ଅଭିଯୁକ୍ତମାନ୍କର୍ ଠାନୁ ଲୁଟି ନେଇଥିବାର୍ ମୋବାଇଲ୍ ଫୋନ୍ ସାଙ୍ଗେ ଘଟ୍ନା ଥି ବେଭାର୍ ହେଉଥିବାର ବାଇକ୍ ଜବତ୍ ହେଇଥିବାର୍ ଜନାପଡ଼ିଛେ ।