ବଲାଙ୍ଗିର, (କେପିଏନ୍ଏସ୍) : ଭଇଁଷା ଗ୍ରାମରେ ପାଟଣାଗଡ ବ୍ଲକର ସାତ ଗୋଟି ଗ୍ରାମ ପଞ୍ଚାୟତର ୨୩ ଗୋଟି ଗ୍ରାମରେ ଆରମ୍ଭ ହେବାକୁ ଯାଉଥିବା ପିଏମ୍କେଏସ୍ୱାଇ ଜଳ ବିଭାଜିକା ସକାଶେ ଏକ ସଚେତନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଅଛି । ଏଥିରେ ପଞ୍ଚାୟତର ସରପଞ୍ଚ, ସମିତି ସଭ୍ୟ, ୱାର୍ଡ ମେମ୍ବର ଓ ଝଐଏ ମେମ୍ବରମାନେ ଯୋଗ ଦାନ କରିଥିଲେ । ବଲାଙ୍ଗିର ଜିଲ୍ଲା ଜଳ ବିଭାଜିକା ପ୍ରକଳ୍ପ ନିର୍ଦ୍ଦେଶକ ମୋହିତୋଷ ଦାଶ, ପୂର୍ବତନ ପ୍ରକଳ୍ପ ନିର୍ଦ୍ଦେଶକ ସୋମନାଥ ସାହୁ, ପ୍ରକଳ୍ପ ନିର୍ବାହୀ ଅଧିକାରୀ ରଜନୀକାନ୍ତ କୁମ୍ଭାର ସଚେତନ କାର୍ଯ୍ୟକ୍ରମରେ ଉପସ୍ଥିତ ରହି ଜଳ ବିଭାଜିକାର ଗଠନ ଓ ଉପକାରୀତା ଉପରେ ସଭ୍ୟ ମାନଙ୍କୁ ଦିଗଦର୍ଶନ ଦେଇଥିଲେ । ତାଲିମ ଶେଷରେ ପ୍ରଫୁଲ୍ଲ କୁମାର ପ୍ରଧାନ ସମସ୍ତକୁ ଧନ୍ୟବାଦ ଅର୍ପଣ କରି ସଭା ଶେଷ କରିଥିଲେ ଓ ତାଲିମ ଶିବିର ଅନୁଷ୍ଠିତ ହେବାରେ ସୌକିଲାଲ ସାହୁ, ବିନୋଦିନୀ ବରିହା, ଛନ୍ଦା ଚରଣ ସାହୁ, ସୁରେଶ ଭୋଇ, ଶାନ୍ତନୁ ବାଗ ଓ ଗୋପାଲ ମେହେର ପ୍ରମୁଖ ସହଯୋଗ କରିଥିଲେ ।