ଭୁବନେଶ୍ୱର : ରାଜଧାନୀ ଭୁବନେଶ୍ୱରରେ ନକଲି ସିମେଣ୍ଟ କାରଖାନା । ବ୍ରାଣ୍ଡ ଅସଲି, ହେଲେ ସିମେଣ୍ଟ ନକଲି । ବଡଗଡ ଥାନା ଟଙ୍କପାଣି ରୋଡ ଅଞ୍ଚଳରେ ନକଲି ସିମେଣ୍ଟ କାରଖାନା ଠାବ କରିଛି କମିଶନରେଟ ପୋଲିସ । କୋଟି କୋଟି ଟଙ୍କାର ନକଲି ସିମେଣ୍ଟ ଜବତ ହୋଇଥିବା ସୂଚନା ମିଳିଛି । ସୂଚନା ଅନୁସାରେ, ଦୀର୍ଘ ଦିନ ଧରି ବଡଗଡ ଥାନା ଟଙ୍କପାଣି ରୋଡ ଅଞ୍ଚଳରେ ଚାଲିଥିଲା ନକଲି ସିମେଣ୍ଟ କମ୍ପାନୀ । ବ୍ରାଣ୍ଡେଡ୍ କମ୍ପାନୀ ଲୋଗୋରେ ପ୍ରସ୍ତୁତ ହେଉଥିଲା ସିମେଣ୍ଟ । ଅସଲି ବ୍ରାଣ୍ଡରେ ନକଲି ସିମେଣ୍ଟ ଭର୍ତ୍ତି କରି ବିକ୍ରି କରାଯାଉଥିଲା । ଏନେଇ ପୋଲିସକୁ ସୂଚନା ମିଳିବା ପରେ ଆକ୍ସନକୁ ଆସିଥିଲା କମିଶନରେଟ୍ ପୋଲିସ । ଖବର ପାଇବା ପରେ ତୁରନ୍ତ ସେହି ସ୍ଥାନରେ ଚଢାଉ କରିଥିଲା । ସିମେଣ୍ଟ ସହ ପାଉଁଶ ମିଶାଇ ଲୋକଙ୍କୁ ବିକ୍ରି କରାଯାଉଥିବା ଜଣାପଡିଛି । ଏହି ଘଟଣାରେ କାରଖାନାର ମାଲିକଙ୍କୁ ଅଟକ ରଖି ପୋଲିସ ପଚରା ଉଚରା କରୁଥିବା ଜଣାପଡ଼ିଛି ।
Next Post