ହୋଟେଲରେ ଚାଲିଥିଲା ସେକ୍ସ ର୍ୟାକେଟ୍ : ଆପତ୍ତିଜନକ ଅବସ୍ଥାରେ ୫ ଜଣ ମହିଳାଙ୍କ ସମେତ ୩୬ଜଣଙ୍କୁ ଗିରଫ କଲା ପୋଲିସ
ନୋଏଡା : ନୋଏଡାରେ ପୋଲିସ ଏକ ସେକ୍ସ ର୍ୟାକେଟ୍କୁ ଧରିବାରେ ସଫଳ ହୋଇଛି । ସିଗମା ସେକ୍ଟରରେ ଅବସ୍ଥିତ ଦୁଇଟି ହୋଟେଲ ଉପରେ ଚଢ଼ାଉ କରିବା ପରେ ପାଞ୍ଚ ଜଣ ମହିଳାଙ୍କ ସମେତ ୩୬ ଜଣଙ୍କୁ ଗିରଫ କରାଯାଇଛି । ପୋଲିସର ସୂଚନାନୁସାରେ, ଏହି ହୋଟେଲରେ ଏକ ମୁଜ୍ରା ପାର୍ଟି ଅନୁଷ୍ଠିତ ହୋଇଥିଲା । ଡେପୁଟି କମିଶନର ଅଫ୍ ପୋଲିସ୍ (ଜୋନ୍ ତୃତୀୟ) ଅମିତ କୁମାର ସିଂ କହିଛନ୍ତି ଯେ, ବୁଧବାର ରାତିରେ ସିଗମା ସେକ୍ଟରରେ ଅବସ୍ଥିତ ଏକ ହୋଟେଲରେ ମୁଜ୍ରା ପାର୍ଟି ସମ୍ପର୍କରେ ସୂଚନା ମିଳିଥିଲା, ଯାହାର ଆଧାରରେ ପୋଲିସ ହୋଟେଲ ଉପରେ ଚଢ଼ାଉ କରିଥିଲା ।
ଅମିତ କୁମାର ସିଂ କହିଛନ୍ତି ଯେ, ତଦନ୍ତ ବେଳେ ନିକଟସ୍ଥ ଅନ୍ୟ ଏକ ହୋଟେଲରେ ମଧ୍ୟ ସମାନ ପାର୍ଟି ଚାଲିଛି ବୋଲି ପୋଲିସ ଜାଣିବାକୁ ପାଇଥିଲା । ସେ କହିଛନ୍ତି ଯେ, ପୋଲିସ ଅନ୍ୟ ହୋଟେଲ ଉପରେ ଚଢ଼ାଉ କରି ପାଞ୍ଚ ଜଣ ମହିଳା ଏବଂ ୩୧ ପୁରୁଷଙ୍କ ସମେତ ୩୬ ଜଣଙ୍କୁ ଗିରଫ କରିଥିଲା । ପୋଲିସ ଘଟଣାସ୍ଥଳରୁ ଆଠଟି କାର, ଇଂରାଜୀ ମଦ ବୋତଲ, ୧ ଲକ୍ଷ ୩୦ ହଜାର ଟଙ୍କା ଜବତ କରିଛି ।