ମାହାଙ୍ଗା : ବାଲିଚନ୍ଦ୍ରପୁର ନଳିପୁର୍-ଜାତୀୟ ରାଜପଥ ନିକଟରୁ ଏକ କଣ୍ଟେନରରେ ବେଆଇନ ଭାବେ ଗୋଚାଲାଣ ବେଳେ ୫୦ରୁ ଉର୍ଦ୍ଧ୍ଵ ଗୋରୁ ଉଦ୍ଧାର ହୋଇଥିବା ଜଣାପଡିଛି । ସୂଚନା ଅନୁସାରେ ଗତକାଲି ରାତି ୨ଟାରେ ବାଲିଚନ୍ଦ୍ରପୁର-ନଳିପୁର୍ ଜାତୀୟ ରାଜପଥ ନିକଟରୁ ଏକ କଣ୍ଟେନରରୁ ୫୦ରୁ ଅଧିକ ଗୋରୁ ଉଦ୍ଧାର କରାଯାଇ ଡ୍ରାଇଭର୍ ସମେତ ୪ ଜଣ ଅଭିଯୁକ୍ତଙ୍କୁ ବାଲିଚନ୍ଦ୍ରପୁର ପୋଲିସ ଗିରଫ କରିଥିବା ଜଣାପଡିଛି । ଉଦ୍ଧାର ହୋଇଥିବା ଗୋରୁଙ୍କୁ ମାହାଙ୍ଗା ସ୍ଥିତ ଅନନ୍ତ ଗୋପାଳ ସେବାଶ୍ରମ ଗୋଶାଳାରେ ରଖାଯାଇଥିବା ବେଳେ ପୋଲିସ ଏନେଇ ଅଧିକ ତଦନ୍ତ କରୁଥିବା ସୂଚନା ମିଳିଛି ।