ଖୁବ୍ ଲୋକପ୍ରିୟ ବଲିଉଡ଼୍ ଅଭିନେତ୍ରୀ ରେଖା ୬୬ତମ ଜନ୍ମଦିନ ପାଳନ କରିଛନ୍ତି : ତାଙ୍କ ଜୀବନର ଅସଫଳ ଦିଗ ସଂପର୍କରେ ଜାଣନ୍ତୁ
ମୁମ୍ବାଇ : ଖୁବ୍ ଲୋକପ୍ରିୟ ବଲିଉଡ଼୍ ଅଭିନେତ୍ରୀ ରେଖାଙ୍କ ୬୬ତମ ଜନ୍ମଦିନ କରିଛନ୍ତି । ସେ ଜଣେ ବିଶେଷ ସଫଳ ଅଭିନେତ୍ରୀ ହୋଇଥିଲେ ବି ତାଙ୍କ ଅସଲ ଜୀବନରେ ରହିଛି ଏକ ଦୁଃଖଦାୟକ ଅସଫଳ ଦିଗ । ସେ ବିଷୟରେ ଆସନ୍ତୁ ଜାଣିବା ।
ସବୁବେଳେ ଚର୍ଚ୍ଚାରେ ରହି ଆସିଥିବା ଅଭିନେତ୍ରୀ ରେଖା ଯଦିବି ଆଜି ୬୬ ବର୍ଷ ବୟସ୍କା ହୋଇ ସାରିଛନ୍ତି, କିନ୍ତୁ ଏବେ ବି ଦର୍ଶକମାନଙ୍କ ଭିତରେ ତାଙ୍କ ପାଇଁ ଭରପୂର ଆକର୍ଷଣ ରହିଛି । ଖୁବ୍ ଗଭୀର ତଥା ମାର୍ମିକ ହଳେ କଳା ଆଖି, କପାଳରେ ଲାଲ୍ ଟୀକା ଏବଂ ମଥାରେ ସିନ୍ଦୁରକୁ ନିଜର ପରିଚୟ ଭାବେ ସେ ଗ୍ରହଣ କରି ନେଇଛନ୍ତି । କେବେ ବି ତିଳେମାତ୍ର ଚିନ୍ତା କରିନାହାନ୍ତି, ଲୋକେ କହିବେ କ’ଣ! ଚର୍ଚ୍ଚା ଏବେ ବି ହୁଏ, ରେଖାଙ୍କ ନାଁ ନେଉ ନେଉ ଅମିତାଭ ବଚ୍ଚନଙ୍କ ନାଁ ଆପେ ଆପେ ଯୋଡ଼ି ହୋଇଯାଏ ।
ଯଦିବି ରେଖା ନିଜର ସ୍ୱପ୍ନର ଦୁନିଆଁରେ ଅମିତାଭ ବଚ୍ଚନଙ୍କୁ ନିଜର ମନର ରାଜା ଭାବେ ଗ୍ରହଣ କରି ନେଇଥିଲେ, ତଥାପି ତାହା ତାଙ୍କ ଭାଗ୍ୟରେ ନଥିଲା । ଅମିତାଭ୍ଙ୍କ ସ୍ୱପ୍ନ ଦେଖିବା ପରେ ତାଙ୍କ ଆଖିକୁ ଆଉ ସ୍ୱପ୍ନ ହିଁ ଜୁଟୁ ନଥିଲା ବୋଧହୁଏ । ଜୟାଙ୍କ ହାତରେ ହାତ ଛନ୍ଦି ଅମିତାଭ୍ ବାହାରିଗଲେ ସଂସାର ଆଡ଼କୁ, ଠିଆ ହୋଇ ରହିଗଲେ ରେଖା ।
