କାନପୁର : ଆଇଆଇଟି କାନପୁରର ୫୪ତମ ସମାରୋହରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଛାତ୍ରମାନଙ୍କୁ ଆତ୍ମନିର୍ଭରଶୀଳତାର ମନ୍ତ୍ର ଦେଇଛନ୍ତି । ସେ କହିଛନ୍ତି ଯେ, ମୁଁ ଚାହୁଁଛି ଯେ, ଆପଣମାନେ ମଧ୍ୟ ଆତ୍ମନିର୍ଭରଶୀଳ ଭାରତର ଅଂଶ ହୁଅନ୍ତୁ । ସେ ଆହୁରି କହିଛନ୍ତି ଯେ, ଆତ୍ମନିର୍ଭରଶୀଳ ଭାରତ ହେଉଛି ସମ୍ପୂର୍ଣ୍ଣ ସ୍ୱାଧୀନତାର ମୌଳିକ ରୂପ, ଯେଉଁଠାରେ ଆମେ କାହା ଉପରେ ନିର୍ଭରଶୀଳ ହେବୁ ନାହିଁ । କାନପୁର ମେଟ୍ରୋ ଉଦଘାଟନ କରିବା ପୂର୍ବରୁ ପ୍ରଧାନମନ୍ତ୍ରୀ ମୋଦୀ ମୁଖ୍ୟ ଅତିଥି ଭାବରେ ଆଇଆଇଟିର ସମାରୋହରେ ଯୋଗ ଦେଇଥିଲେ ।