କେନ୍ଦୁଝର : କେନ୍ଦୁଝର ଜିଲ୍ଲା ତେଲକୋଇ ବନାଞ୍ଚଳ ଅଧୀନ ମଧ୍ୟପୁର ଗାଁ ନିକଟରେ ସମାକୋଇ ସଂରକ୍ଷିତ ଜଙ୍ଗଲରେ ସଂଧ୍ୟା ସମୟରେ ବିଦ୍ୟୁତ ତାରରେ ଫାସ ଲଗାଇ ହରିଣ ଶିକାର କରୁଥିବା ବେଳେ କୌଣସି ସୂତ୍ରରୁ ଖବର ପାଇ ବନବିଭାଗ ଘଟଣାସ୍ଥଳରେ ପହଞ୍ଚିଥିଲା । ବନ ବିଭାଗ କର୍ମଚାରୀଙ୍କୁ ଦେଖି ଶିକାରୀ ମାନେ ଦୌଡି ପଲାଇଥିଲେ । ତେବେ ସେମାନଙ୍କ ମଧ୍ୟରୁ ୨ ଶିକାରୀଙ୍କୁ ଧରି ପାରିଥିଲେ ବନକର୍ମଚାରୀ । ଘଟଣାସ୍ଥଳରୁ ଦୁଇଟି ହରିଣ ଗୋଡ ସହ ଲାଞ୍ଚ ଓ ଟାଙ୍ଗିଆକୁ ଜବତ କରି ଦୁଇ ଜଣକୁ ଅଟକ ରଖି ପଚରା ଉଚାର କରିବା ପରେ ଗିରଫ କରିଥିଲେ । ପରେ ଅଧିକ ତଦନ୍ତ ପରେ ଘଟଣାରେ ସଂପୃକ୍ତ ଆଉ ଚାରି ଜଣ ଶିକାରୀଙ୍କ ନାମ ଆସିବାରୁ ରାତିରେ ମଧ୍ୟପୁର ଗାଁରେ ବନବିଭାଗ ଚଢାଉ କରି ସେମାନଙ୍କୁ ମଧ୍ୟ ଗିରଫ କରିବାରେ ସଫଳ ହୋଇଥିଲା ।