ସଇଁନ୍ତଲା, (ଅଜିତ କୁମାର ସାହୁ) : ବିଷ ପିଇ ଏକ ଯୁବକ ଆତ୍ମହତ୍ୟା କରିଥିବାର ସୂଚନା ମିଳିଛି । ମୃତ ଯୁବକ ଜଣକ ହେଲେ ସଇଁନ୍ତଲା ଥାନା ଅନ୍ତର୍ଗତ ବୁଢ଼ାବାହାଲ ସ୍ଥିତ ବାବୁକେଲଗାଁର ପ୍ରେମାନନ୍ଦ ସାହୁ (୧୮) । କୌଣସି କାରଣରୁ ପ୍ରେମାନନ୍ଦ ବିଷ ପିଇ ଦେଇଥିଲେ ତେବେ କିଛି ସମୟ ପରେ ତାଙ୍କୁ ଗୋଷ୍ଠୀ ଚିକିତ୍ସାଳୟ ସଇଁନ୍ତଲାରେ ଭର୍ତ୍ତି କରାଯାଇଥିଲା । କିଛି ସମୟ ପରେ ଡାକ୍ତର ତାଙ୍କୁ ମୃତ୍ୟୁ ଘୋଷଣା କରିଥିଲେ । ଖବର ପାଇ ସଇଁନ୍ତଲା ପୋଲିସ ଘଟଣାସ୍ଥଳେ ପହଁଚି ମୃତ ଦେହ ଜବତ କରି ଶବ ବ୍ୟବଚ୍ଛେଦ ପାଇଁ ଟିଟିଲାଗଡ ଡାକ୍ତରଖାନାକୁ ପଠାଇଥିବା ଜଣାପଡ଼ିଛି । ଏନେଇ ଏକ ଅପମୃତ ମାମଲା ରୁଜୁ କରିବା ସହ ଘଟଣା ସମ୍ପର୍କରେ ଅଧିକ ତଦନ୍ତ ଜାରି ରଖିଛି ।