ପାଟଣାଗଡ଼, (ଗୋରେଖ ନାଥ ବରିହା) : ବର୍ତ୍ତମାନ ମହାମାରୀ କରୋନା ଦେଶ ତଥା ରାଜ୍ୟରେ ହୁ ହୁ ହୋଇ ବଢ଼ିବାରେ ଲାଗିଥିବା ବେଳେ ତାକୁ ଆଖି ଆଗରେ ରଖି ସରକାର ରାଜ୍ୟରେ ସଟଡାଉନ ଏବଂ ଲକଡାଉନ ଜାରି କରିଛନ୍ତି । ଏହି ଲକଡାଉନରେ ଅସହାୟ ପରିବାର ମାନଙ୍କ ମୁଠେ ଖାଇବା ପାଇଁ ପାଇବା ବହୁତ୍ କଷ୍ଟକର ହୋଇପଡ଼ିଥିବା ବେଳେ ଏହି ଭୟଙ୍କର ପରିସ୍ଥିତିରେ ଅସହାୟଙ୍କ ପାଇଁ ସହାୟତାର ସାଥୀ ପାଲଟିଛି ପାଟଣାଗଡ଼ ଏନ୍ଏସ୍ୟୁଆଇ । ତେବେ ଗତକାଲି ରାଜୀବ ଗାନ୍ଧୀଙ୍କ ତିରୋଧାନ ଦିବସ ଅବସରରେ ଅସହାୟ ପରିବାରମାନଙ୍କୁ ଚିହ୍ନଟ କରି ଏନ୍ଏସ୍ୟୁଆଇ ତରଫରୁ ରନ୍ଧାଖାଦ୍ୟ ବଣ୍ଟନ କରାଯାଇଥିଲା । ଏଥିରେ ପ୍ରତୀକ, ଲିପୁ, ମୟୂର, କୁନାଲ ପ୍ରମୁଖ ଉପସ୍ଥିତ ଥିଲେ ।