ବଲାଙ୍ଗିର, (ଦେବାଶିଷ ମିଶ୍ର) : ଆଜି ବଲାଙ୍ଗିର ଗାନ୍ଧୀ ଷ୍ଟାଡିୟମ ଠାରେ ଆୟୋଜିତ ଓସିଏ ଭିଜନ ୨୦୨୪ର ସିନିଅର ଇନଟ୍ରାକ୍ଲବ କ୍ରିକେଟ ପ୍ରତିଯୋଗିତାରେ ନବକିଶୋର ଦଳ ବିଜୟ ଲାଭ କରିଛି । ଆଜିର ପ୍ରତିଯୋଗିତାରେ ନବକିଶୋର ଦଳ ଓ ଗାନ୍ଧୀନଗର ଦଳ ମଧ୍ୟରେ ଅନୁଷ୍ଠିତ ହୋଇଥିଲା । ଗାନ୍ଧିନଗର ଦଳ ଟସ ଜିଣି ପ୍ରଥମେ ବୋଲିଂର ନିଷ୍ପତ୍ତି ନେଇଥିଲା । ନବକିଶୋର ଦଳ ପ୍ରଥମେ ବ୍ୟାଟିଂ କରି ୫୦ ଓଭରରେ ୪ ୱିକେଟ ହରାଇ ୩୮୬ ରନ୍ କରିବାକୁ ସକ୍ଷମ ହୋଇଥିଲେ । ଦଳ ତରଫରୁ ଶୈଳେଶ ପଟ୍ଟନାୟକ ଅପରାଜିତ ୨୧୦ ରନ୍ ଓ ପୁରୁଷୋତ୍ତମ ୭୧ ରନ୍ କରିଥିଲେ । ଗାନ୍ଧୀନଗର କ୍ରିକେଟ ଦଳ ତରଫରୁ ଆଶୁତୋଷ ବାଗ ଓ ଆଲୋକ ବାଗ ଗୋଟିଏ ଲେଖାଏଁ ୱିକେଟ ଅକ୍ତିଆର କରିଥିଲେ । ୩୮୭ ରନ୍ର ଲକ୍ଷକୁ ପିଛା କରିବାକୁ ଯାଇ ଗାନ୍ଧୀନଗର କ୍ରିକେଟ ଦଳ ୩୦ ଓଭରେ ସମସ୍ତ ଓ୍ୱିକେଟ ହରାଇ ମାତ୍ର ୧୩୯ ରନ କରିବା ସହିତ ଏହି ମ୍ୟାଚକୁ ୨୪୭ ରନରେ ପରାଜିତ ହୋଇଥିଲା । ଗାନ୍ଧୀନଗର ତରଫରୁ ସ୍ୱେତ ବଢ଼ିଆ ସର୍ବାଧିକ ୫୧ ରନ୍ ଓ ଆଶୁତୋଷ ବାଗ ୩୨ ରନ୍ ସଂଗ୍ରହ କରିଥିଲେ । ନବକିଶୋର ଦଳ ତରଫରୁ ବାବ୍ଲୁ ସେଠ ସର୍ବାଧିକ ୫ ଗୋଟି ଓ କୋଶଲ ଶର୍ମା ୨ଟି ୱିକେଟ ଅକ୍ତିଆର କରିଥିଲେ । ନବକିଶୋର ଦଳର ଶୈଳେଶ ପଟନାଏକଙ୍କୁ ତାଙ୍କର ଅପରାଜିତ ଦ୍ଵିଶତକ ପାଇଁ ଶ୍ରେଷ୍ଠ ଖେଳାଳୀ ଘୋଷିତ କରାଯାଇଥିଲା । ଏହି ମ୍ୟାଚକୁ ଓସିଏ ମାନ୍ୟତା ପ୍ରାପ୍ତ ଅମ୍ପୟାର ପୃଥ୍ୱୀରାଜ ମିଶ୍ର ଓ ଶ୍ୟାମ ସୁନ୍ଦର ପଣ୍ଡା ପରିଚାଳନା କରିଥିବା ବେଳେ ସ୍ୱାଗତ ଶୁଭଙ୍କର ଓ ସୁଭମ ନାଏକ ସ୍କୋରର୍ ଦାୟିତ୍ୱ ତୁଲାଇଥିଲେ ।
