ଏସ୍ସି, ଏସ୍ଟି ଓ ମହିଳା ଉଦ୍ୟୋଗୀଙ୍କ ବିକାଶ ପାଇଁ ଏନ୍ଏସ୍ଆଇସି ସିଏମ୍ଡି ଡ. ଶୁଭ୍ରାଂଶୁ ଶେଖର ଆଚାର୍ଯ୍ୟଙ୍କୁ ଭେଟିଲେ ସୁବୀର ପାଲ
ରାଉରକେଲା, (ସସ୍ମିତା ପ୍ରଧାନ) : ଇଣ୍ଡିଆନ ଚାମ୍ବର୍ସ ଅଫ୍ କମର୍ସ ଫର ଏସ୍ସି, ଏସ୍ଟି ଆଣ୍ଡ ୱୁମେନ ଏଣ୍ଟରପ୍ରେନ୍ୟୋର୍ସର ଜାତୀୟ ଅଧ୍ୟକ୍ଷ ସୁବୀର ପାଲ, ନ୍ୟାସନାଲ ସ୍ମଲ ଇଣ୍ଡଷ୍ଟ୍ରିଜ କର୍ପୋରେସନ ଲିମିଟେଡର ଅଧ୍ୟକ୍ଷ ତଥା ପରିଚାଳନା ନିର୍ଦ୍ଦେଶକ ଡ. ଶୁଭ୍ରାଂଶୁ ଶେଖର ଆଚାର୍ଯ୍ୟଙ୍କୁ ଏନ୍ଏସ୍ଆଇସି ଭବନ, ନୂଆଦିଲ୍ଲୀ ଠାରେ ସାକ୍ଷାତ କରିଛନ୍ତି । ଏହି ବୈଠକରେ ଦେଶବ୍ୟାପୀ ଏସ୍ସି, ଏସ୍ଟି ଓ ମହିଳା ଉଦ୍ୟୋଗୀମାନଙ୍କର ବିକାଶ, ପ୍ରୋତ୍ସାହନ ଏବଂ ସଶକ୍ତିକରଣ ସମ୍ବନ୍ଧୀୟ ବିଭିନ୍ନ ପଦକ୍ଷେପ ଉପରେ ବିସ୍ତୃତ ଆଲୋଚନା କରାଯାଇଛି । ବିଶେଷ କରି ପୂର୍ବୋତ୍ତର ରାଜ୍ୟର ଉଦ୍ୟୋଗୀମାନଙ୍କୁ ଆଗକୁ ବଢ଼ାଇବା ଏବଂ ସେମାନଙ୍କ ପାଇଁ ଉନ୍ନତ ସୁଯୋଗ ସୃଷ୍ଟି କରିବା ଉପରେ ଗୁରୁତ୍ୱ ଦିଆଯାଇଛି । ଉଦ୍ୟମିତା ସୁଯୋଗକୁ ସୁଦୃଢ଼ କରିବା, ବ୍ୟବସାୟିକ ସହଯୋଗ ସହଜ କରିବା, ସରକାରୀ ଏବଂ ଶିଳ୍ପ ପଦକ୍ଷେପରେ ଭାଗିଦାରୀ ବଢ଼ାଇବା ତଥା ବଜାର ସଂଯୋଗ, ଭେଣ୍ଡର ଡେଭଲପମେଣ୍ଟ ଏବଂ ସ୍ଥାୟୀ ଉଦ୍ୟମ ବିକାଶ ପାଇଁ ଉନ୍ନତ ସୁଯୋଗ ଉପରେ ଆଲୋଚନା ହୋଇଛି । ଉଭୟ ପକ୍ଷ ସମାବେଶୀ ଉଦ୍ୟମିତାକୁ ପ୍ରୋତ୍ସାହନ ଦେବା ଏବଂ ନୂଆ ବ୍ୟବସାୟ ପାଇଁ ନୂଆ ସୁଯୋଗ ବିସ୍ତାର କରିବା ନିମନ୍ତେ ଅନୁଷ୍ଠାନ, ଶିଳ୍ପ ସଂଗଠନ ଏବଂ ଉଦ୍ୟୋଗୀଙ୍କ ମଧ୍ୟରେ ସମନ୍ୱିତ ପ୍ରୟାସର ଗୁରୁତ୍ୱ ଉପରେ ଆଲୋଚନା କରିଛନ୍ତି । ଶ୍ରୀ ପାଲ ଏସ୍ସି, ଏସ୍ଟି ଓ ମହିଳା ଉଦ୍ୟୋଗୀଙ୍କ ପାଇଁ ଅଧିକ ଆର୍ଥିକ ସୁଯୋଗ ଓ ବ୍ୟବସାୟିକ ସହଯୋଗ ଯୋଗାଇ ଦେବା ପାଇଁ ନିଜର ପ୍ରତିବଦ୍ଧତା ବ୍ୟକ୍ତ କରିଛନ୍ତି । ଏହି ବୈଠକ ଦେଶବ୍ୟାପୀ ବିଶେଷ କରି ପୂର୍ବୋତ୍ତର ରାଜ୍ୟରେ ଏସ୍ସି, ଏସ୍ଟି ଓ ମହିଳା ଉଦ୍ୟୋଗୀଙ୍କ ପାଇଁ ନୂଆ ସହଯୋଗ ଓ ସମ୍ଭାବନା ସୃଷ୍ଟି ଦିଗରେ ଏକ ଗୁରୁତ୍ୱପୂର୍ଣ ପଦକ୍ଷେପ ।