ଲୋଇସିଂହା, (ବିମଳେନ୍ଦୁ ସାହୁ) : ପ୍ରସିଦ୍ଧ ଜଳେଶ୍ୱର ପୀଠ ଆଗଲପୁର ବ୍ଲକ ଅନ୍ତର୍ଗତ ସାନଟିକା ଠାରେ ଆଜାଦ ୟୁଥ କ୍ଲବ ଏବଂ ଗଣେଶ ପୂଜା କମିଟି ତରଫରୁ ନୂଆଁଖାଇ ଭେଟ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଏଥିରେ ଅତିଥି ଭାବେ ବିଶିଷ୍ଟ କବି ଓ ଶିକ୍ଷକ ଦିଲୀପ ପଧାନ, ବରିଷ୍ଠ ଶିକ୍ଷକ ସନ୍ତୋଷ କୁମାର ସାହୁ, ଲେଖକ କ୍ଷେତ୍ରବାସୀ ନାଏକ, ଜଳେଶ୍ୱର ମନ୍ଦିରର ମୁଖ୍ୟ ପୂଜକ ଅକ୍ରୁର ଥନାପତି ପ୍ରମୁଖ ଯୋଗ ଦେଇଥିଲେ । ପ୍ରାରମ୍ଭରେ ଜଳେଶ୍ୱର ମହାପ୍ରଭୁଙ୍କ ପୂଜାର୍ଚ୍ଚନା କରାଯାଇଥିଲା । ଅତିଥିମାନେ ନୂଆଁଖାଇର ମହିମା ବର୍ଣ୍ଣନା ପୂର୍ବକ ଗାଁରେ ଭାଇଚାରା ବଜାୟ ରଖିବା ପାଇଁ ଉଦବୋଧନ ଦେଇଥିଲେ । ଏହି ଅବସରରେ ଛାତ୍ରଛାତ୍ରୀଙ୍କ ମଧ୍ୟରେ ମ୍ୟୁଜିକ ଚେୟାର ଓ ନୃତ୍ୟ ପ୍ରତିଯୋଗିତା ଅନୁଷ୍ଠିତ ହୋଇଥିଲା । କୃତୀ ପ୍ରତିଯୋଗୀ ଅନନ୍ୟା ନାଏକ, ପ୍ରତିଭା ସୁନାନୀ, ଅଶ୍ଳେଷା ପଧାନ, ବିକି ପଧାନ, ମାନସୀ ବିଶ୍ୱାଳ, ଶିବାନୀ ବାଗ, ଶ୍ରୀୟାରାଣୀ ନାଏକ, ପ୍ରଭାସ ପଧାନଙ୍କୁ ଅତିଥି ମାନେ ପୁରସ୍କାର ପ୍ରଦାନ କରିଥିଲେ । ସପ୍ତମ ଶ୍ରେଣୀରେ ସର୍ବୋଚ୍ଚ ନମ୍ବର ରଖିଥିବା ଛାତ୍ରୀ ଅନ୍ଵେଷା ପଧାନଙ୍କୁ ସ୍ୱତନ୍ତ୍ର ପୁରସ୍କାର ପ୍ରଦାନ କରାଯାଇଥିଲା । ଏହି ପ୍ରତିଯୋଗିତାର ବିଚାରକ ଭାବେ ଉମେଶ ବିଶ୍ୱାଳ, ପ୍ରେମାନନ୍ଦ ସେଠ ଏବଂ ବିଜୟ ଯୁଏଡ଼ ଦାୟିତ୍ଵ ନିର୍ବାହ କରିଥିଲେ । ଯୁବକବି ଶିବପ୍ରସାଦ ବିଶ୍ୱାଳ କାର୍ଯ୍ୟକ୍ରମ ସଂଯୋଜନା ଯାଇଥିବା ବେଳେ ସୁଶୀଳ ପଧାନ, ସୁଶାନ୍ତ ସାହୁ, ସଚିନ ପଧାନ, କିରଣ ନାଏକ, ବାବୁଲୁ ପଧାନ, ସୁଶାନ୍ତ ପଧାନ, ବରୁଣ ନାଏକ, ରିତିକ ନାଏକ ଏବଂ ଆଜାଦ ୟୁଥ କ୍ଲବର ସଦସ୍ୟମାନେ କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ ।
