centurian jitm

ବନ କର୍ମଚାରୀଙ୍କୁ ଶିକାରୀଙ୍କ ଗୁଳିମାଡ଼ ୪ ଶିକାରୀ ଗିରଫ, ୪ ବନ୍ଧୁକ ଜବତ

ଭୁବନେଶ୍ୱର : ପୋଡାଡିହା ରେଞ୍ଜର ମନଭଙ୍ଗା ବିଟ ଅଞ୍ଚଳରେ ଚଢ଼ାଉ ବେଳେ ଅଘଟଣ । ଶିକାରୀଙ୍କୁ ଧରିବା ପାଇଁ ଜଙ୍ଗଲ ଭିତରକୁ ପୋଡାଡିହା ରେଞ୍ଜ ଏବଂ ଏସଟିପିଏଫ ଟିମ୍‌ ଯାଇଥିବା ବେଳେ ଦୁଇ ରାଉଣ୍ଡ ଗୁଳିମାଡ଼ କଲେ ଶିକାରୀ । ବନ କର୍ମଚାରୀଙ୍କ ପାଲଟା ଆକ୍ରମଣରେ ଗିରଫ ହେଲେ ୪ ଶିକାରୀ । ସେମାନଙ୍କ ପାଖରୁ ୪ଟି ଦେଶୀ ବନ୍ଧୁକ ମଧ୍ୟ ଜବତ କରାଯାଇଛି । ସୂଚନାଅନୁସାରେ ପୋଡାଡିହା ରେଞ୍ଜର ମନଭଙ୍ଗା ବିଟ ଅଞ୍ଚଳରେ ଶାକାରୀଙ୍କୁ ଧରିବା ପାଇଁ ଚଢାଉ ହୋଇଥିଲା । ପୋଡାଡିହା ରେଞ୍ଜ ଏବଂ ଏସଟିପିଏଫ ଟିମ୍‌ ମିଳିତ ଭାବେ ଏହି ଚଢ଼ାଉ କରିଥିଲେ । ଜଙ୍ଗଲରେ ଚଢାଉ କରିବା ବେଳେ ଶିକାରୀମାନେ ବନ କର୍ମଚାରୀଙ୍କ ଉପରେ ଆକ୍ରମଣ କରି ଦୁଇ ରାଉଣ୍ଡ ଗୁଳିମାଡ଼ କରିଥିଲେ । ଏହାର ଉତ୍ତର ଦେଇ ପାଲଟା ଆକ୍ରମଣ କରିଥିଲେ ବନ କର୍ମଚାରୀ । ଶେଷରେ ଏହି ଚଢାଉ ସଫଳ ହୋଇଛି । ୪ ଜଣ ଶିକାରୀଙ୍କୁ ଗିରଫ କରିବା ସହ ୪ ଦେଶୀ ବନ୍ଧୁକ ଜବତ କରିଛି ପୋଡାଡିହା ରେଞ୍ଜ ଏବଂ ଏସଟିପିଏଫ ଟିମ୍‌ ।

Leave A Reply

Your email address will not be published.