ଟିଟିଲାଗଡ଼, (ସଞ୍ଜୟ କୁମାର ନାୟକ) : ଟିଟିଲାଗଡ଼ କିରାନା ଆସୋସିଏସନର ନୂଆବର୍ଷ ବନ୍ଧୁମିଳନ ସହ ଆସନ୍ତା ବର୍ଷ ପାଇଁ ନୂତନ ସଭାପତି ଚୟନ ପାଇଁ ଏକ ବୈଠକ ହରିଶଙ୍କର ଠାରେ ଅନୁଷ୍ଠିତ ହୋଇଯାଇଛି । ଏହି ଅବସରରେ ସଙ୍ଘର ସଦସ୍ୟମାନେ ବିଭିନ୍ନ ଉନ୍ନୟନ ମୂଳକ କାର୍ଯ୍ୟ ପାଇଁ କଣ କଣ ପଦକ୍ଷେପ ଗ୍ରହଣ କରାଯିବ ସେ ନେଇ ଆଲୋଚନା ହୋଇଥିଲା । ଚଳିତ ବର୍ଷ ମଧ୍ୟ ସର୍ବ ସମ୍ମତି କ୍ରମେ ତୃତୀୟ ଥର ପାଇଁ ସଭାପତି ହୋଇ ହେଟ୍ରିକ ମାରିଲେ ପ୍ରଭାକର ସରାଫ । ସେହିପରି ସମ୍ପାଦକ ଭାବରେ ରାଜୁ ମିଶ୍ର, କୋଷାଧ୍ୟକ୍ଷ ହନୁମାନ ଅଗ୍ରୱାଲ, ଉପ ସଭାପତି ମନ ଦାସ, ନାରାୟଣ ବେହେରା, ସହ ସମ୍ପାଦକ ଟଙ୍କଧର ସାହୁ ନିର୍ବାଚିତ ହୋଇଛନ୍ତି ।