ମ.ରାମପୁର, (ହେମନ୍ତ ସାହୁ) : କଳାହାଣ୍ଡିର ଜଣେ ପରିଚିତ ଯୁବନେତା ବିଭୂତି ଭୂଷଣ ମହାଖୁଡଙ୍କ ବିୟୋଗରେ କାରୁଣ୍ଡ ଫାର୍ମରସ୍ ପ୍ରଡ୍ୟୁସର୍ ପ୍ରାଇଭେଟ୍ କମ୍ପାନୀ ତରଫରୁ କମ୍ପାନୀ କ୍ରା୍ୟାଳୟରେ ଏକ ଶୋକସଭା ଅନୁଷ୍ଠିତ ହୋଇଯାଇଛି । ସ୍ୱର୍ଗତ ମହାଖୁଡ଼ ଏହି କମ୍ପାନୀର ଆରମ୍ଭରୁ ସଭାପତି ଦାୟିତ୍ଵ ନିର୍ବାହ କରି ଆସୁଥିଲେ । ଶ୍ରୀ ମହାଖୁଡ଼ଙ୍କ ବିୟୋଗରେ ଏହି କମ୍ପାନୀର ସମସ୍ତ ପଦାଧିକାରୀ ତାଙ୍କରି ଫୋଟୋ ଚିତ୍ରରେ ପୂଜାର୍ଚ୍ଚନା ସହ ନୀରବ ପ୍ରାର୍ଥନା ଓ ସ୍ମୃତି ଚାରଣ କରିଥିଲେ । ସ୍ୱର୍ଗତ ମହାଖୁଡ଼ କଳାହାଣ୍ଡିର ଜଣେ ଆଗ ଧାଡ଼ିର ସମାଜସେବୀ ତଥା ସଂଗଠକ ରହି ଜୀବନରେ ଶେଷ ପର୍ଯ୍ୟନ୍ତ କାର୍ଯ୍ୟ ସମ୍ପାଦନ କରିଥିଲେ । ତାଙ୍କରି ବିୟୋଗ ସମସ୍ତଙ୍କ ପାଇଁ ଏକ ଅପୂରଣୀୟ କ୍ଷତି ବୋଲି କମ୍ପାନୀର ମୁଖ୍ୟ ଆଦିତ୍ୟ ପ୍ରତାପ ସିଂହ ଦେଓ, ପ୍ରକାଶ ଚନ୍ଦ୍ର ମାଝୀ ମତବ୍ୟକ୍ତ କରିଥିଲେ । ଅନ୍ୟମାନଙ୍କ ମଧ୍ୟରେ ଅମରେଶ ସିଂ, ନରୋତ୍ତମ ପଧାନ, ଦିଲ୍ଲୀପ ମହାଖୁଡ଼, ସୁଶାନ୍ତ ସାହୁ, ସଞ୍ଜୀବ ସାହୁ ପ୍ରମୁଖ ସ୍ମୃତି ଚାରଣ କରିଥିଲେ । ଏହି ଶୋକସଭା ପରେ ସ୍ୱର୍ଗତ ମହାଖୁଡଙ୍କ ବିୟୋଗ ପରେ କମ୍ପାନୀର ନୂତନ ସଭାପତି ଭାବେ ଅମରେଶ ସିଂ ଦାୟିତ୍ଵ ଗ୍ରହଣ କରିଥିଲେ ।