ବୈପାରୀଗୁଡା : ଭାଲୁ ସହ ଅଧଘଣ୍ଟା ଧରି ଚାଲିଲା ଲଢେଇ । ହାରିଗଲା ଭାଲୁ, ମରଣ ମୁହଁରୁ ବଞ୍ଚିଲେ ଯୁବକ । ସୂଚନାଅନୁଯୟେୀ କୋରାପୁଟ ଜିଲ୍ଲା କୁନ୍ଦୁରା ବ୍ଲକ୍ ବାଘଗୁଡାରେ ଭାଲୁ ସହ ମଣିଷର ଲଢେଇ । ବାଘଗୁଡାରେ ଭାଲୁ ଆକ୍ରମଣରେ ଜଣେ ଯୁବକ ଜଗବନ୍ଧୁ ହରିଜନ ଗୁରୁତର ହୋଇଛନ୍ତି । ଜଗବନ୍ଧୁ ଶୁକ୍ରବାର ରାତିରେ କୁନ୍ଦୁରାଠାରୁ ନିଜ ଗାଁ ବାଘଗୁଡା ଅଭିମୁଖେ ଯାଉଥିବା ବେଳେ ହଠାତ ଭାଲୁ ସହ ମୁହାଁମୁହିଁ ହୋଇଥିଲେ । ଜଗବନ୍ଧୁ ସାହାସିକତାର ସହ ଭାଲୁ ସହ ଅଧା ଘଣ୍ଟା ଧରି ଲଢେ଼ଇ କରି ଭାଲୁ ମୁହଁରୁ ରକ୍ଷା ପାଇଯାଇଥିଲେ । ରକ୍ତ ଜୁଡ଼ୁବୁଡ଼ୁ ଅବସ୍ଥାରେ ଘରେ ପହଞ୍ଚିବା କ୍ଷଣି ଆମ୍ବୁଲାନ୍ସରେ ତାଙ୍କୁ ସ୍ଥାନୀୟ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରକୁ ନିଆଯାଇଥିଲା । ସେଠାରେ ତାଙ୍କ ଅବସ୍ଥା ସଙ୍କଟାପନ୍ନ ଥିବାରୁ ସେଠାରୁ ଜୟପୁରକୁ ସ୍ଥାନାନ୍ତର କରାଯାଇଥିଲା ।