ବଲାଙ୍ଗିର, (କେପିଏନ୍ଏସ୍) : ୨୪ତମ କାର୍ଗିଲ ବିଜୟ ଦିବସ ଉପଲକ୍ଷେ ଲାଲ୍ଟିକ୍ରା ସ୍ଥିତ ପୂର୍ବତନ ସୈନିକ ସଂଘ କାର୍ଯ୍ୟାଳୟ ପରିସରରେ ସଭାପତି ବିଭୁତି ଭୂଷଣ ପାଣିଗ୍ରାହୀଙ୍କ ସଭାପତିତ୍ୱରେ ଏକ ବୈଠକ ଅନୁଷ୍ଠିତ ହୋଇଯାଇଛି । ୨୬ ଜୁଲାଇ ୨୦୨୩ ସକାଳ ୯ଟା ସମୟରେ କାର୍ଯ୍ୟାଳୟ ପରିସରରେ ସହୀଦମାନଙ୍କୁ ପୁଷ୍ପମାଲ୍ୟ ଅର୍ପଣ କରିବା ସଂଗେ ସଂଗେ ସହୀଦ ପରିବାରଙ୍କୁ ସମ୍ମାନୀତ କରିବାର କାର୍ଯ୍ୟକ୍ରମ ରହିଛି । ସଂଘର ସଂପାଦକ ପ୍ରତାପ ଚନ୍ଦ୍ର ରଥ ପୂର୍ବ ବର୍ଷର ବିବରଣୀ ପ୍ରଦାନ କରିବା ସଂଗେ ସଂଗେ କାର୍ଯ୍ୟକ୍ରମକୁ ସଫଳ କରିବା ପାଇଁ ସମସ୍ତ ସୈନିକ ଏବଂ ପରିବାରଙ୍କୁ ନିବେଦନ କରିଛନ୍ତି । ଏହି ବୈଠକରେ ସଂଘର ଉପସଭାପତି ସର୍ବେରାମ ପଟେଲ, କୋଷାଧ୍ୟକ୍ଷ ରାଜେନ୍ଦ୍ର ସବର, ସଦସ୍ୟ ସୁରେନ୍ଦ୍ର ପଣ୍ଡା, ହରିହର ବାଗ, ଏସ୍ଏନ୍ ତ୍ରିପାଠୀ, ଆର୍ସି ସାହୁ, ସୁଶୀଳ ପଟେଲ, ଗୁଣ ସାଗର ମେହେର, ଘାଷିରାମ ବେହେରା, ନୀଳକଣ୍ଠ ପାଢୀ ପ୍ରମୁଖ ଉପସ୍ଥିତ ଥିଲେ । ସଭା ଶେଷରେ ଉପସଭାପତି ସମସ୍ତଙ୍କୁ ଧନ୍ୟବାଦ ଦେଇ ସଭା ସାଙ୍ଗ କରିଥିଲେ ।