ବରଗଡ଼, (ନିରୋଜ କୁମାର ପାଣୀ) : ବରଗଡ଼ର ୱାର୍ଡ ନମ୍ବର ୮ ସ୍ଥିତ ମିଲନବିହାର ବାସିନ୍ଦା ଭୁବନଲାଲ ଅଗ୍ରୱାଲଙ୍କର ୭୪ ବର୍ଷ ବୟସରେ ନିଧନ ହୋଇଯାଇଛି । ସେ ଗତ ଏକ ମାସରୁ ଅଧିକ ହେବ ବୋନ୍ମେରୁ ରୋଗରେ ପୀଡିତ ଥିଲେ । ପ୍ରଥମେ ତାଙ୍କର ଚିକିତ୍ସା ରାଇପୁର ସ୍ଥିତ ଏମ୍ସ ଚିକିତ୍ସାଳୟରେ କରାଯାଇଥିଲା । ମାତ୍ର ଚିକିତ୍ସାରେ କୌଣସି ଉନ୍ନତି ନହେବାରୁ ତାଙ୍କୁ ଏୟାରଲିଫ୍ଟ ସାହାଯ୍ୟରେ ହାଇଦ୍ରାବାଦ ସ୍ଥିତ ୟଶୋଦା ହସ୍ପିଟାଲକୁ ସ୍ଥାନାନ୍ତରିତ କରାଯାଇଥିଲା । ତେବେ ସେଠାରେ ୧୯ ଦିନର ଚିକିତ୍ସା ପରେ ବିଭାଗୀୟ ଡାକ୍ତର ଘରକୁ ଫେରାଇନେବା ପାଇଁ ପରାମର୍ଶ ଦେଇଥିଲେ । ମାତ୍ର ତାଙ୍କୁ ହାଇଦ୍ରାବାଦରୁ ଫେରାଇ ଆଣି ବରଗଡ଼ର ଏକ ଘରୋଇ ଚିକିତ୍ସାଳୟରେ ଚିକିତ୍ସିତ କରାଯାଉଥିଲା । ହେଲେ ଆଜି ସକାଳ ୧୨.୩୦ ମିନିଟ୍ ସମୟରେ ଚିକିତ୍ସିତ ଅବସ୍ଥାରେ ତାଙ୍କର ପରଲୋକ ଘଟିଥିଲା । ତାଙ୍କର ନିଧନରେ ପରିବାର ସମେତ ଆଖ ପାଖ ଅଞ୍ଚଳରେ ଶୋକର ଛାୟା ଖେଳିଯାଇଥିଲା । ଆଜି ସନ୍ଧ୍ୟା ୫ ଘଣ୍ଟା ସମୟରେ ବରଗଡ଼ ଜୀରା ନଦୀକୂଳ ସ୍ୱର୍ଗଦ୍ୱାରରେ ତାଙ୍କର ଅନ୍ତିମ ସତ୍କାର କରାଯାଇଥିଲା ।