
ହରଭଙ୍ଗା : ହରଭଙ୍ଗା ବ୍ଲକ ଚାରିଛକ-କୁସଙ୍ଗ ପୂର୍ତ୍ତି ରାସ୍ତା ଅଯୋଧ୍ୟା ନିକଟରେ ଭାରସାମ୍ୟ ହରାଇ ଗଛରେ ପିଟିହେଲା ବାଇକ୍ । ଜଣେ ମୃତ ଅନ୍ୟ ଜଣେ ଗୁରୁତର । ଗୁରୁତରଙ୍କୁ ପୁରୁଣାକଟକ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଛି ।
ସୂଚନାନୁଯାୟୀ, ମଙ୍ଗଳବାର ସକାଳ ୯ଟାରେ ଧଳପୁର ପଞ୍ଚାୟତ ଧଳପୁର ଗ୍ରାମର ଅଜିତ ପ୍ରଧାନ (୨୮ ବର୍ଷ) ଓ ବୁଢୀକଣ ଗ୍ରାମର ଶ୍ରୀକାନ୍ତ ମହାଲ୍ଲିକ (୨୯ ବର୍ଷ) ଏକ ବାଇକ ଯୋଗେ କୌଣସି ଏକ କାର୍ଯ୍ୟରେ ଯାଇ ଘରକୁ ଫେରୁଥିଲେ । ଏହି ସମୟରେ ଅଯୋଧ୍ୟା ନିକଟରେ ବାଇକ୍ଟି ଭାରସାମ୍ୟ ହରାଇ ଏକ ଗଛରେ ଧକ୍କା ହୋଇଥିଲା । ଫଳରେ ଚାଳକ ଶ୍ରୀକାନ୍ତ ମହାଲ୍ଲିକଙ୍କ ଘଟଣା ସ୍ଥଳରେ ମୃତ୍ୟୁ ହୋଇଥିବା ବେଳେ ଅଜିତ ପ୍ରଧାନ ଗୁରୁତର ହୋଇଥିଲେ । ସ୍ଥାନୀୟ ଲୋକେ ସେମାନଙ୍କୁ ଉଦ୍ଧାର କରି ପୁରୁଣାକଟକ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଥିଲେ । ଡାକ୍ତର ମହାଲ୍ଲିକଙ୍କୁ ମୃତ ଘୋଷଣା କରିଥିବା ବେଳେ ଗୁରୁତର ଅଜିତଙ୍କୁ ଏବେ ଚିକିତ୍ସା କରାଯାଉଛି । ପୁରୁଣା କଟକ ପୋଲିସ ଘଟଣାସ୍ଥଳରେ ପହଞ୍ଚି ମୃତ ଶରୀରକୁ ପୋଷ୍ଟମର୍ଟମ ପାଇଁ ପଠାଇଥିବା ବେଳେ ଘଟଣାର ତଦନ୍ତ ଚଳାଇଥିବା ପୋଲିସ ସୂତ୍ରରୁ ସୂଚନା ମିଳିଛି ।