ହରଭଙ୍ଗା : ବୌଦ୍ଧ ଜିଲ୍ଲା ପୁରୁଣାକଟକ ଠାରେ ଘରୋଇ ବସ ମାଲିକ ସଂଘର ଏକ ବୈଠକ ଅନୁଷ୍ଠିତ ହୋଇଯାଇଛି । ବୌଦ୍ଧ, ଫୁଲବାଣୀ, ଦଶପଲ୍ଲା ଓ ଆଠମଲ୍ଲିକର ଘରୋଇ ବସ ମାଲିକ ସଂଘର ପ୍ରତିନିଧିମାନେ ଯୋଗ ଦେଇଥିଲେ । ଫୁଲବାଣୀର ସଭାପତି ଟୁଲୁ ପଟ୍ଟନାୟକ, ବୌଦ୍ଧର ସେକ ସମିମୁଲ୍ଲାଙ୍କ ସମେତ ପ୍ରାୟ ତିରିଶ ଜଣ ପ୍ରତିନିଧି ଏହି ବୈଠକରେ ଯୋଗ ଦେଇଥିଲେ । ଏହି ବୈଠକରେ ବସ ଚଳାଚଳ ସମ୍ବନ୍ଧୀୟ ବିଭିନ୍ନ ସମସ୍ୟା ସମ୍ପର୍କରେ ଆଲୋଚନା କରାଯାଇଥିଲା । କଟକ ଘରୋଇ ବସମାଲିକ ସଂଘର ସଭାପତି ଅଜୟ ବାରିକଙ୍କ ଅକାଳ ବିଯୋଗରେ ଏହି ବୈଠକରେ ଶୋକ ପ୍ରକାଶ କରାଯାଇଥିଲା ।