ଗଞ୍ଜାମ : ମା’ ଉଜ୍ଜଳେଶ୍ଵରୀ ଗନମ୍ୟାନ ସଂଘ ତରଫରୁ ଆସୋସିଏସନର ଜନୈକ ସଦସ୍ୟଙ୍କ ବିୟୋଗରେ ତାଙ୍କ ପରିବାର ବର୍ଗଙ୍କୁ ସହାୟତା ପ୍ରଦାନ କରାଯାଇଛି । ସଂଘ ସଦସ୍ୟ ସୁରେଶ କୁମାର ଦାଶଙ୍କ ବିୟୋରେ ତାଙ୍କ ବିଧବା ପତ୍ନୀଙ୍କୁ ୧୦ ହଜାର ଟଙ୍କା ଆର୍ଥିକ ସହାୟତା ପ୍ରଦାନ କରାଯାଇଛି । ଛତ୍ରପୁର ସହର ସ୍ଥିତ ଗଣେଶ ସାହିରେ ସଂଘର କର୍ମକର୍ତ୍ତା ଓ ସଦସ୍ୟମାନେ ପହଞ୍ଚି ସ୍ୱର୍ଗତ ଦାଶଙ୍କ ପରିବାର ବର୍ଗଙ୍କୁ ସମବେଦନା ଜଣାଇବା ସହ ତାଙ୍କର ଅମର ଆତ୍ମାର ସଦଗତି କାମନା କରିଥିଲେ । ସଂଘ ସଭାପତି ସୁରେଶ କୁମାର ନନ୍ଦ, ଉପସଭାପତି ଲୋକନାଥ ଶତପଥୀ, ସମ୍ପାଦକ ଡି. ପାପା ରାଓ, କୋଷାଧ୍ୟକ୍ଷ ପ୍ରକାଶ ଚନ୍ଦ୍ର ପ୍ରଧାନ ପ୍ରମୁଖଙ୍କ ସହ ଅନ୍ୟମାନେ ଉପସ୍ଥିତ ରହିଥିଲେ ।