ପଲସାଗୋରାରେ ବିଜେଡିର ଜନ ସମ୍ପର୍କ ପଦଯାତ୍ରା ଓ ସଭା 

ବୌଦ୍ଧ, (ମମତା ମହାକୁର) : ବୌଦ୍ଧ ଜିଲ୍ଲା କଣ୍ଟାମାଳ ବ୍ଲକର ପଲସାଗୋରାଠାରେ ବିଜୁ ଜନତା ଦଳ ପକ୍ଷରୁ ଆଜି ଏକ ବିଶାଳ ଜନ ସମ୍ପର୍କ ପଦଯାତ୍ରା ଏବଂ ସଭା ଅନୁଷ୍ଠିତ ହୋଇଥିଲା । ଏହି ପଦଯାତ୍ରାରେ କଣ୍ଟାମାଳ ବ୍ଲକର ବିଭିନ୍ନ ପୁରପଲ୍ଲୀରୁ ବହୁ ସଂଖ୍ୟକ ଦଳିୟ କର୍ମୀ ଏବଂ ସମର୍ଥକ ଯୋଗ ଦେଇଥିଲେ । କଣ୍ଟାମାଳ ଶିବ ମନ୍ଦିରରୁ ଜନ ସମ୍ପର୍କ ପଦଯାତ୍ରା ବାହାରି ରୁଣ୍ଡିମହୁଲ ଗ୍ରାମ ପରିକ୍ରମା କରିବା ପରେ ପଲସାଗୋରା ମକର ପଡିଆଠାରେ ଏକ ସଭା ଅନୁଷ୍ଠିତ ହୋଇଯାଇଛି । ରୁଣ୍ଡିମହୁଲ ଗ୍ରାମ ପରିକ୍ରମା କରିବା ସମୟରେ ବିଜେଡ଼ି ପଦଯାତ୍ରାର ନେତୃତ୍ୱ ନେଇଥିବା କଣ୍ଟାମାଳ ବିଧାୟକ ମହିଧର ରଣାଙ୍କୁ ରୁଣ୍ଡିମହୁଲ ସେବା ସମବାୟ ସମିତିର ଡାଇରେକ୍ଟର ବିନାୟକ ସାହୁ ରୁଣ୍ଡିମହୁଲ ଗ୍ରାମରେ ଫୁଲ ଓ ଉପଢ଼ୌକନ ଦେଇ ସ୍ୱାଗତ କରିଥିଲେ । ଉକ୍ତ ସଭାରେ ସରକାରୀ ଓକିଲ ରାଧାବଲ୍ଲଭ ପ୍ରଧାନ ସଭାପତିତ୍ୱ କରିଥିଲେ । କଣ୍ଟାମାଳ ବିଧାୟକ ମହୀଧର ରଣା ମୁଖ୍ୟ ଅତିଥି ଏବଂ ସମ୍ମାନିତ ଅତିଥି ଭାବେ ଜିଲ୍ଲା ପର୍ଯ୍ୟବେକ୍ଷକ ସୌଭାଗ୍ୟ ରଞ୍ଜନ ନାଏକ, ଜିଲ୍ଲା ପରିଷଦ ଉପାଧ୍ୟକ୍ଷ ଶଙ୍କର୍ଷଣ ପ୍ରଧାନ, ବୌଦ୍ଧ ବ୍ଲକ ସଭାପତି ବାଳମୁକୁନ୍ଦ ମେହେର, ଜିଲ୍ଲା ବିଜେଡ଼ି ସମ୍ପାଦକ ସନ୍ତୋଷ ଦନ୍ତା, ଜିଲ୍ଲା ଉପସଭାପତି ସୁଧୀର ମହାକୁଡ଼, ଅଳକା ପ୍ରଧାନ, ଗିରିଶ ଦଳବେହେରା, ନବୀନ ମହାକୁଡ଼, ଲବ ପ୍ରଧାନ, ପ୍ରମୋଦ ରଣା, ଶମ୍ଭୁ ପ୍ରସାଦ ସାହୁ, ପ୍ରେମରାଜ ରଣା, ବିଜୟ ବାରିକ, ଜିଲ୍ଲା ମହିଳା ଉପସଭାପତି ମମତା ପ୍ରଧାନ, ଶ୍ରଦ୍ଧାଞ୍ଜଳି ବାରିକ, ପଲସାଗୋରା ସରପଞ୍ଚ ସୌଦାମିନୀ ମଲ୍ଲିକ, ରମଣୀ ପ୍ରଧାନ, ଚୈତନ୍ୟ ରଣା, ପ୍ରଦୀପ ନାଏକ, ଶିମିଳିପଦର ପଞ୍ଚାୟତ ସରପଞ୍ଚ ସାର୍ଦୁଳ ନାଗ, ସରୋଜ କର୍ଣ୍ଣ, ସୈଳେନ୍ଦ୍ର ବାରିକ, କୁନୁ ଦନ୍ତା, ଜୟନ୍ତୀ ପ୍ରଧାନ, ପ୍ରଭାତ ପ୍ରଧାନ, ସୁମନ୍ତ ମିଶ୍ର, ସୁଧୀର ଖଟୁଆ, କୁଳମଣି ନାଏକ ଓ ସମସ୍ତ ସରପଞ୍ଚ ଓ ସମିତି ସଭ୍ୟ, ସମସ୍ତ ବରିଷ୍ଠ ବିଜେଡି ନେତା ଯୋଗ ଦେଇଥିଲେ । ସଭାରେ ବକ୍ତାମାନେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ନେତୃତ୍ୱରେ ପରିଚାଳିତ ବିଜେଡି ସରକାରଙ୍କ ନିର୍ମଳ ଶାସନ ଓ ଅଞ୍ଚଳରେ ହୋଇଥିବା ବିକାଶମୁଖୀ ଯୋଜନା ଉପରେ ବକ୍ତବ୍ୟ ଦେଇ ନବୀନ ସରକାରଙ୍କ ବିକାଶର ବାର୍ତ୍ତା ପ୍ରତି ଲୋକଙ୍କ ପାଖରେ ପହଞ୍ଚାଇବା ପାଇଁ କର୍ମୀମାନଙ୍କୁ ଆହ୍ୱାନ ଦେଇଥିଲେ । ଜିଲ୍ଲା ସାଂଗଠନିକ ଯୁବ ନେତା ପ୍ରଶାନ୍ତ ରଣା ଅତିଥି ପରିଚୟ ପ୍ରଦାନ କରିଥିଲେ । ସଭା ଶେଷରେ ବିଜେଡ଼ି ଯୁବ ସମ୍ପାଦକ ରଞ୍ଜନ ଜଗଦଲା ସମସ୍ତଙ୍କୁ ଧନ୍ୟବାଦ୍ ଅର୍ପଣ କରିଥିଲେ । ଉକ୍ତ ସଭାରେ ଅଞ୍ଚଳର ବହୁ ସଂଖ୍ୟାରେ ବିଜେଡି କର୍ମୀ ଯୋଗ ଦେଇଥଲେ ।