ଭୁବନେଶ୍ୱର, (କେପିଏନ୍ଏସ୍) : ମହାନ ଅଭିନେତା ମିହିର ଦାସଙ୍କ ପାର୍ଥିବ ଶରୀର ଆଜି ପଞ୍ଚଭୂତରେ ମିଶି ଯାଇଛି । ସୂଚନା ଅନୁସାରେ କଟକର ସତୀଚୌରା ଶ୍ମଶାନରେ ତାଙ୍କର ଶେଷ କୃତ୍ୟ ସମ୍ପନ୍ନ ହୋଇଯାଇଛି । ତାଙ୍କର ଅନେକ ପ୍ରଶଂସକ ସେଠାରେ ଉପସ୍ଥିତ ରହିଥିଲେ । ମିହିର ଦାସ ଅମର ରହେ ଧ୍ୱନିରେ ସାରା କଟକ ସହର ପ୍ରକମ୍ପିତ ହୋଇ ଉଠିଥିଲା । ରାଜ୍ୟ ସରକାରଙ୍କ ପକ୍ଷରୁ ତାଙ୍କୁ ଗାର୍ଡ ଅଫ୍ ଅର୍ନର ସମ୍ମାନ ଦିଆଯାଇଛି । ତାଙ୍କର ବିୟୋଗରେ ପ୍ରଧାନମନ୍ତ୍ରୀ ଓ ମୁଖ୍ୟମନ୍ତ୍ରୀ ଶୋକବ୍ୟକ୍ତ କରି ତାଙ୍କ ଅମର ଆତ୍ମାର ସଦ୍ଗତି କାମନା କରିଥିଲେ ।
