ଖପ୍ରାଖୋଲ, (ଅଶୋକ କୁମାର ବାଗ) : ଖପ୍ରାଖୋଲ ବ୍ଲକ କରୁଆଁଝର ଗାଁରେ ଖପ୍ରାଖୋଲ ବିଜେପି ତରଫରୁ ରାଜ୍ୟ ସଭାପତି ମନମୋହନ ସାମଲଙ୍କୁ ଭବ୍ୟ ସ୍ଵାଗତ କରାଯାଇଥିଲା । ଏହି ଅବସରରେ ବଲାଙ୍ଗିର ସାଂସଦ ସଙ୍ଗୀତ କୁମାରୀ ସିଂହଦେଓ, ପୂର୍ବତନ ବିଧାୟକ କନକ ବର୍ଦ୍ଧନ ସିଂହଦେଓ, ବିଜେପି ବଲାଙ୍ଗିର ଜିଲ୍ଲା ସଭାପତି ଶିବାଜୀ ମହାନ୍ତି, ସାଂସଦ ପ୍ରତିନିଧି ପ୍ରବୀଣ ଅଗ୍ରୱାଲ, ଉପେନ୍ଦ୍ର ଭୋଇ, ସତ୍ୟାନନ୍ଦ ସେନ୍ଦ୍ରୀଆ , ଶିବା ସୁନା, ପଞ୍ଚୁଦେବ ସାହୁ ପ୍ରମୁଖ ଶତାଧିକ ଦଳୀୟ ନେତା ଉପସ୍ଥିତ ଥିଲେ । ନୂଆପଡ଼ା ଜିଲ୍ଲା ସୀମାରୁ ଦଳ ତରଫରୁ ଭବ୍ୟ ସ୍ଵାଗତ ସହ ପଥପ୍ରାନ୍ତ ସଭା ଅନୁଷ୍ଠିତ ହୋଇଥିଲା । ପରେ ଏକ ମୋଟର ସାଇକେଲ ଶୋଭାଯାତ୍ରାରେ ଲାଠୋର ଦେଇ ତୁରେକେଲା ରାସ୍ତା ଯାଏଁ ନେଇ ଛାଡିଥିଲେ । ଜିଲ୍ଲା ସଭାପତିଙ୍କ ଗସ୍ତ ପରେ ଦଳୀୟ କର୍ମୀ ମଧ୍ୟରେ ଉତ୍ସାହ ଦେଖାଦେଇଛି ।