ଆତଙ୍କବାଦକୁ ନେଇ ଭାରତ ବିରୋଧରେ ପାକିସ୍ତାନର ଅଭିଯୋଗ ମନଗଢ଼ା : ବୈଦେଶିକ ମନ୍ତ୍ରଣାଳୟ

ନୂଆଦିଲ୍ଲୀ : ପାକିସ୍ତାନରେ କିଛି ଆତଙ୍କବାଦୀ ଆକ୍ରମଣରେ ଭାରତ ସମ୍ପୃକ୍ତ ଥିବା ଅଭିଯୋଗକୁ ଭାରତପକ୍ଷରୁ ଖଣ୍ଡନ କରାଯିବା ସହ ଏହା ମନଗଢ଼ା ବୋଲି କୁହାଯାଇଛି । ବୈଦେଶିକ ମନ୍ତ୍ରଣାଳୟ କହିଛି ଯେ ‘ପ୍ରମାଣ’ର ତଥାକଥିତ ଦାବିଗୁଡ଼ିକ ମିଥ୍ୟା ଏବଂ ଏହାର କୌଣସି ବିଶ୍ୱସନୀୟତା ନାହିଁ । ବୈଦେଶିକ ବ୍ୟାପାର ମନ୍ତ୍ରଣାଳୟର ମୁଖପାତ୍ର ଅନୁରାଗ ଶ୍ରୀବାସ୍ତବ କହିଛନ୍ତି ଯେ ପାକିସ୍ତାନର ଏହି ମନମୁଖୀ ଉଦ୍ୟମ ଉପରେ କେହି ବିଶ୍ୱାସ କରିବେ ନାହିଁ କାରଣ ଅନ୍ତର୍ଜାତୀୟ ସମୁଦାୟ ଏହାର କୌଶଳ ବିଷୟରେ ଜାଣିଛନ୍ତି ଏବଂ ମିଥ୍ୟା ଡକ୍ୟୁମେଣ୍ଟ ଏବଂ ମିଥ୍ୟା ଆଲୋଚନା ଯୋଗ କରି ପାକିସ୍ତାନ ଆତଙ୍କବାଦକୁ ପ୍ରାୟୋଜିତ କରୁଥିବା ବିଷୟ ସମସ୍ତଙ୍କୁ ଜଣାଅଛି ।