ବ୍ରହ୍ମପୁର, (କେ.ସତ୍ୟନାରାୟଣ ରେଡ୍ଡୀ) : ବ୍ରହ୍ମପୁର ମହାନଗର ନିଗମ ଅଧିନସ୍ଥ ୩୫ ନମ୍ବର ୱାର୍ଡର ମ୍ୟୁନିସିପାଲ କଲୋନୀ ପୋଖରୀରେ ଲକ୍ଷ ଲକ୍ଷ ଟଙ୍କାର ମାଛ ମଡକରେ ପରିଣତ ହୋଇଛି । ଲକ୍ଷଲକ୍ଷ ଟଙ୍କାର ମାଛ ଚାଷ କରାଯାଇଥିବା ଏହି ପୋଖରୀରେ ଜଳ ଦୂଷିତ ହୋଇ ଅବା ଜଳରେ କୌଣସି ନା କୌଣସି ବିଷାକ୍ତ ଦ୍ରବ୍ୟ ପଡିଥିବା ଫଳରେ ତାହା ମାଛମାନେ ଖାଇ ମରି ଯାଉଛନ୍ତି, ବୋଲି କଳନା କରାଯାଏ । ଏବେ ଦୁଇ ତିନି ଦିନ ହେଲା ଏଭଳି ଦୁର୍ଗନ୍ଧମୟ ପରିସ୍ଥିତି ଉପୁଜିଛି ଯେ, ପୋଖରୀ ନିକଟ ଅଞ୍ଚଳର ପରିବେଶ ପ୍ରଦୂଷିତ କରିଦେଇଛି । ଏହି ଅଞ୍ଚଳର ଲୋକଙ୍କୁ ହଇଜା ଓ ଆମାଶାୟା, ଡେଙ୍ଗୁ ରୋଗ ଆଦି ବ୍ୟାପିବା ଆଶଙ୍କା କରାଯାଉଛି । ଯଥାଶୀଘ୍ର ବିଏମସି କର୍ତ୍ତୃପକ୍ଷ ଏହାର ଆଶୁବ୍ୟବସ୍ଥା କରି ଏହି ଦୁର୍ଗନ୍ଧମୟ ପରିବେଶର ପ୍ରତିକାର ବ୍ୟବସ୍ଥା କରିବାକୁ ଏହି ଅଞ୍ଚଳବାସୀ ଓ ବିଭିନ୍ନ ମହଲରେ ଦୃଢ଼ ଦାବୀ ହେଉଅଛି । ନଚେତ ଏହି କୋରନା ମହାମାରୀ ସମୟରେ ଲୋକଙ୍କ ହିତପ୍ରତି ଦୃଷ୍ଟି ଦେଇ ଏହି ସମସ୍ୟାର ଉଚିତ ସମାଧାନ ଦିଗରେ ଧ୍ୟାନ ଦେବାକୁ ଜନସାଧାରଣରେ ଦାବୀ ହୋଇଛି ।
