ଡେଲାଙ୍ଗ, (ଦିଲ୍ଲୀପ କୁମାର ଧାଉଡିଆ) : ପୁରୀ ଜିଲ୍ଲା ଡେଲାଙ୍ଗ ଅର୍ନ୍ତଗତ ଗଡବେଗୁନିଆପଡା ଗ୍ରାମ ନିକଟସ୍ଥଥ ଜଙ୍ଗଲରୁ ଏକ ନବଜାତ ଶିଶୁ କନ୍ୟା ସନ୍ତାନକୁ ଗ୍ରାମବାସୀଙ୍କ ଦ୍ଵାରା ଉଦ୍ଧାର କରଯାଇଛି । ଖଵରରୁ ଜଣାପଡ଼ିଛି ଆଜି ସକାଳ ୫ଟାରେ ସତ୍ୟ ରଞ୍ଜନ ପାତ୍ର ଗ୍ରାମ ନିକଟସ୍ଥ ଜଙ୍ଗଲରେ ଏକ ଶିଶୁ କ୍ରନ୍ଦନ ଶୁଣି ଖବର ଦେବା ପରେ ଗାଁର ମାନସ ରଞ୍ଜନ ପାତ୍ର, ପିଂକି ପାତ୍ର, ତପସ୍ବିନୀ ପାତ୍ର, ଶୁଭେନ୍ଦୁ ପାତ୍ର, କ୍ରିଷନ ପାତ୍ର ପ୍ରମୁଖ ଘଟଣାସ୍ଥଳରେ ପହଞ୍ଚି କନ୍ୟା ସନ୍ତାନଟିକୁ ଉଦ୍ଧାର କରି ଯତ୍ନ ସହକାରେ ଶିଶୁଟିକୁ ପରିଷ୍କାର ପରିଚ୍ଛନ୍ନ କରିବା ପରେ ସୁସ୍ଥ ଅବସ୍ଥାକୁ ଆସିଥିଲା । ପିଲାଟିର ଉତ୍ତମ ଚିକିôସା ନିମନ୍ତେ ସ୍ଵାଧୀନ ସେବା ସଂସ୍ଥାନର ଅଧ୍ୟକ୍ଷ ତଥା ଯୁବ ସମାଜସେବୀ ଶଶି ଶେଖର ରାୟ ସହଯୋଗରେ ଖୋର୍ଦ୍ଧା ଡାକ୍ତରଖାନାକୁ ସ୍ଥାନାନ୍ତରିତ କରାଯାଇଥିବା ସୂଚନା ମିଳିଛି ।