ପାଟଣାଗଡ, (ପୁସ୍ତମ ଯୁଆଡି) : ପାଟଣାଗଡର ସାହିତ୍ୟ ଅନୁଷ୍ଠାନ କୋସଲିଡେରାର ଏକ କୋସଲି କବିତା ଆସର ଗୁଗୁଲ ମିଟ୍’ରେ ମାଧ୍ୟମରେ ଆୟୋଜିତ ହୋଇଯାଇଛି । କୋସଲ ଓ କୋସଲି ଭାବକୁ ଆଧାର କରି ହୋଇଥିବା କାର୍ଯ୍ୟକ୍ରମରେ ଅଧ୍ୟାପକ ଦିଲୀପ କୁମାର ପସାୟତ ଓ ରାମଭକ୍ତ ଫରିକାର ଅତିଥି ଭାବରେ ଯୋଗଦେଇ କହିଥିଲେ ଯେ କୋସଲି ଭାଷାରେ କୋସଲାଞ୍ଚଳର ସାହିତ୍ୟ ଓ ସଂସ୍କୃତିକୁ ବିଶ୍ୱ ଦରବାରେ ପହଞ୍ଚାଇ ହେବ । କୋସଲି ଡେରା ତରଫରୁ ଲାଲଚନ ବଗର୍ତ୍ତୀ ଓ ସନ୍ତୋଷ କୁମାର ଦାଶ ସଂଯୋଜନା କରିଥିଲେ । କବି ଆଶୁତୋଷ ଠାକୁର, ବଲ୍ଲଭ ସାହୁ, ସାବିତ୍ରୀ ସାହୁ, ପୁଷ୍ପାଂଜଲି ରବନା, ପ୍ରଦୀପ କୁମାର ଦାଶ, ଧରମସିଂ ଧରୁଆ, କ୍ଷୀରୋଦ୍ର ସାହୁ, ଶେଷଦେବ ପସାୟତ, ଭାଗ୍ୟବନ୍ତ ମହାଲିଂଗ ପ୍ରମୁଖ କବିତା ପାଠ କରିଥିଲେ । ପିଣ୍ଟୁ ମେହେର ଓ ପୁସ୍ତମ ଯୁଆଡି କାର୍ଯ୍ୟକ୍ରମରେ ସହାୟତା କରିଥିଲେ । ଶେଷରେ ଲାଲଚନ ବଗର୍ତ୍ତୀ ଧନ୍ୟବାଦ ଅର୍ପଣ କରିଥିଲେ ।