ସତନା : ମଧ୍ୟପ୍ରଦେଶର ସତନା ଜିଲ୍ଲାରେ ଲକଡାଉନ୍ ଉଲ୍ଲଂଘନ କରୁଥିବା ଲୋକଙ୍କୁ ଦଣ୍ଡ ଦେବା ପାଇଁ ପୋଲିସ ଏକ ନିଆରା ଉପାୟ ଅବଲଂବନ କରିଛି । ଯେଉଁମାନେ ଲକ୍ଡାଉନ୍ ଉଲ୍ଲଂଘନ କରୁଛନ୍ତି ସେମାନଙ୍କୁ ୩୦ରୁ ୪୫ ମିନିଟ୍ ପର୍ଯ୍ୟନ୍ତ ପ୍ରଭୁ ରାମଙ୍କ ନାମ ଲେଖାଇବା ପରେ ସେମାନଙ୍କୁ ଘରେ ରହିବାକୁ ଏବଂ ସେମାନଙ୍କ ପରିବାରର ଯତ୍ନ ନେବାକୁ ପରାମର୍ଶ ଦେଉଛନ୍ତି ସବ୍-ଇନ୍ସପେକ୍ଟର । ସିନ୍ଧି କ୍ୟାମ୍ପ ବାବା ଦୟାଲଦାସ ଚୌକ ପୋଷ୍ଟରେ ନିୟୋଜିତ ହୋଇଥିବା ସବ୍-ଇନ୍ସପେକ୍ଟର ସାନ୍ତୋଷ ସିଂ କହିଛନ୍ତି ଯେ, ଲକଡାଉନ୍ ଉଲ୍ଲଂଘନ କରିଥିବା ଲୋକଙ୍କୁ ଦଣ୍ଡିତ କରିବାର ନୂଆ ଉପାୟ ସେତେବେଳେ ତାଙ୍କ ମନକୁ ଆସିଥିଲା, ଯେତେବେଳେ ନିକଟସ୍ଥ ସମ୍ପ୍ରଦାୟ ତାଙ୍କୁ ଅନେକ ପାମ୍ପଲେଟ୍ ଦାନ କରିଥିଲେ ।
ସୂଚନା ଯୋଗ୍ୟ ଯେ, ଜିଲାରେ କରୋନା କର୍ଫ୍ୟୁକୁ କଡାକଡି ଲାଗୁ କରିବା ପାଇଁ ଜିଲାରେ ୨୦ଟି ଚେକ୍ ପଏଣ୍ଟ ପ୍ରସ୍ତୁତ କରାଯାଇଛି । ସାନ୍ତୋଷ ସିଂଙ୍କୁ ସିନ୍ଧି କ୍ୟାମ୍ପ ବାବା ଦୟାଲଦାସ ଚୌକରେ ନିୟୋଜିତ କରାଯାଇଛି । ସେ କହିଛନ୍ତି, ଆମେ ସେମାନଙ୍କୁ ୪୫ ମିନିଟରୁ ଏକ ଘଣ୍ଟା କାଳ ପୂର୍ବରୁ ଲକ୍ଡାଉନ୍ ଉଲ୍ଲଂଘନ କରୁଥିବା ଲୋକଙ୍କୁ ବସାଇ ରଖୁଥିଲୁ । ତେଣୁ ମୁଁ ଭାବିଲି ଯେ ସେମାନେ ବସିବା ପର୍ଯ୍ୟନ୍ତ ପ୍ରଭୁ ରାମଙ୍କ ନାମ ଲେଖି ପାରିବେ । ଆମେ ସେମାନଙ୍କୁ ଘରେ ରହି ସେମାନଙ୍କ ପରିବାର ଯତ୍ନ ନେବାକୁ କହିଥାଉ ।