ବଲାଙ୍ଗିର, (କେପିଏନ୍ଏସ୍) : କରୋନା ମହାମାରୀ ଓ ନାଇଟ କର୍ଫ୍ୟୁ ଦ୍ୱାରା ପ୍ରଭାବିତ ଭୋକିଲା ଅସହାୟ ବ୍ୟକ୍ତିଙ୍କୁ ଖାଦ୍ୟ ଯୋଗେଇଛନ୍ତି ବରଗଡର ଜଣେ ସମାଜସେବୀ ମୌସମ ମିଶ୍ର । ତାଙ୍କ ସୌଜନ୍ୟରୁ ଆଜି ସୌମ୍ୟ ସେବା ଫାଉଣ୍ଡେସନର ସମାଜସେବୀ ରଘୁନାଥ ନାୟକ, ଡାକ୍ତର ସୂର୍ଯ୍ୟକାନ୍ତ ମହାପାତ୍ର ଓ ଅନ୍ୟ କର୍ମକର୍ତ୍ତାମାନେ ରାତିରେ ବଲାଙ୍ଗିର ସହରର କୋଣ ଅନୁକୋଣରେ ଗରୀବ ଓ ଅସହାୟ ଭୋକିଲା ବ୍ୟକ୍ତିଙ୍କୁ ଖାଦ୍ୟ ବଣ୍ଟନ କରିଛନ୍ତି ।
ପ୍ରକାଶ ଥାଉ କି ଗତବର୍ଷ କରୋନା ମହାମାରୀ ପ୍ରାରମ୍ଭରୁ ଅପସରି ଯାଇଥିବା ଡାକ୍ତର ସୌମ୍ୟ ରଞ୍ଜନଙ୍କ ସ୍ମୃତିରେ ବଲାଙ୍ଗିର ଜିଲ୍ଲାର ଅପହଞ୍ଚ ଅଂଚଳରେ ସେଠିକୁ ଯାଇ ଗରୀବ ଲୋକଙ୍କୁ ମାଗଣା ଚିକିତ୍ସା ସହ ଔଷଧ ବଣ୍ଟନ କରୁଛନ୍ତି ଡାକ୍ତର ସୂର୍ଯ୍ୟକାନ୍ତ ଓ ସମାଜସେବୀ ରଘୁନାଥ ।