ଜବର ଦଖଲ ଉଚ୍ଛେଦ ପ୍ରସଙ୍ଗରେ ପୌର ପରିଷଦ କାର୍ଯ୍ୟଳୟ ଘେରିଲେ ବରଗଡ଼ର ସମଲେଶ୍ୱରୀ ସଂଘ, ବାର ଏସୋସିଏସନ ଓ ନାଗରିକ କମିଟି

ବରଗଡ, (ମୁନ୍ନା ସାହୁ) : ବରଗଡ଼ ଲେଙ୍ଗୁ ମିଶ୍ର ଛକରୁ ପୁରୁଣା ଜିରା ବ୍ରିଜ ପର୍ଯ୍ୟନ୍ତ ଜବର ଦଖଲ ଉଚ୍ଛେଦ ପ୍ରସଙ୍ଗରେ ପୌର ପରିଷଦ କାର୍ୟ୍ୟାଳୟ ଘେରିଲେ ବରଗଡ଼ର ସମଲେଶ୍ୱରୀ ସଂଘ, ବାର ଏସୋସିଏସନ ଓ ନାଗରିକ କମିଟି । ଘେରାଓ କରିବା ସହ ପୂର୍ବରୁ ଭଙ୍ଗା ହୋଇଥିବା ଘରକୁ ପୌର ପରିଷଦ ଭାଙ୍ଗିଛି ବୋଲି ଅଭିଯୋଗ କରିଛନ୍ତି । କେଉଁ କାରଣରୁ ପୌର ପ୍ରଶାସନ ଜବର ଦଖଲକାରୀଙ୍କୁ ଉଚ୍ଛେଦ କରୁନାହିଁ ଏବଂ କଣ ସ୍ୱାର୍ଥ ରହିଛି ସେନେଇ ଗର୍ଜିଥିଲେ ସମଲେଶ୍ୱରୀ ସଂଘ, ବାର ଏସୋସିଏସନ ଓ ନାଗରିକ କମିଟି । ଦୀର୍ଘ ୩ ବର୍ଷ ହେଲା ଉଚ୍ଛେଦ ପ୍ରକ୍ରିୟା ଅଧାରୁ ଅଟକି ଯାଇଥିଲା ତେବେ ମାନ୍ୟବର ହାଇକୋର୍ଟ ଜବର ଦଖଲ ଉଚ୍ଛେଦ ପାଇଁ ନିର୍ଦେଶ ଦେଇଥିଲେ ମଧ୍ୟ କେଉଁ କାରଣରୁ ପ୍ରଶାସନ ଅବହେଳା କରୁଛି ତାହାକୁ ନେଇ ପ୍ରଶ୍ନ । ତେବେ ଜବର ଦଖଲକାରି ଓ ପ୍ରଶାସନର ମଧୁଚନ୍ଦ୍ରିକା ଚାଲିଥିବା ଅଭିଯୋଗ କରିଛନ୍ତି ବରଗଡ଼ବାସୀ । ତେବେ ତୁରନ୍ତ ଉଚ୍ଛେଦ ପ୍ରକ୍ରିୟା କରିବା ସହ ରାସ୍ତା ପ୍ରଶାସ୍ତିକରଣ କରା ନଗଲେ ଆଗାମୀ ଦିନରେ ଜୋରଦାର ଆନ୍ଦୋଳନ ହେବ ଯାହାର ଦାୟୀ ଜିଲ୍ଲା ପ୍ରଶାସନ ହେବ ବୋଲି ଚେତାବନୀ ଦିଆଯାଇଛି ।