ପଦ୍ମପୁର, (ନିରୋଜ କୁମାର ପାଣୀ) : ସିର୍ଜିନା ସାହିତ୍ୟ ଓ ସାଂସ୍କୃତିକ ଅନୁଷ୍ଠାନ ଓଡ଼ିଶାର ଏକ ଅଗ୍ରଣୀ ଅନୁଷ୍ଠାନ । ଏହି ଅନୁଷ୍ଠାନର ବାର୍ଷିକ ଉତ୍ସବ ପାଳନ କଳାର ଗ୍ରାମ ଭେଉଁରିଆ ଗାଁରେ । ପ୍ରଥମ ଅଧିବେଶନରେ ଶ୍ରୀ ଚିନ୍ମୟ କୁମାର ପଣ୍ଡା ବାର ଏସୋସିଏସନ୍ର ସମ୍ପାଦକ ଦୀପ ପ୍ରଜ୍ୱଳନ କରି କାର୍ଯ୍ୟକ୍ରମର ଶୁଭାରମ୍ଭ କରିଥିଲେ । ଏକ ଟଙ୍କିଆ ସଂଗୀତ ସ୍କୁଲର ଛାତ୍ରଛାତ୍ରୀମାନେ ପ୍ରାରମ୍ଭିକ ସଂଗୀତ ଗାନ କରିଥିଲେ । ଏହି ଅବସରରେ ଶ୍ରୀ ଅଧିକାରୀ ସାହୁ ଓ ହରିଲାଲ ସାହୁଙ୍କୁ ସିର୍ଜିନା କବିତା ସମ୍ମାନ, ତେଜରୁ ବାରିକଙ୍କୁ ଗଳ୍ପ ସମ୍ମାନ, ଲିପ୍ସା ବାରିକ ଓ ତନ୍ମୟ ମିଶ୍ରଙ୍କୁ ନୂଆ ମୁହୁ ସମ୍ମାନ ଶ୍ରୀ ବେଣୁଧର ସାହୁଙ୍କୁ ମଧ୍ୟ ସମ୍ମାନିତ କରାଯାଇଥିଲା । ଏହା ପରେ ମନ୍ଦାକିନୀ ପାଢ଼ୀ ଓ ରଞ୍ଜୁଲତା ସାହୁଙ୍କ ସଂଯୋଜନାରେ କବିତା ପାଠ ଅନୁଷ୍ଠିତ ହୋଇଥିଲା । ଏଥିରେ ବଲାଙ୍ଗିର ନୂଆପଡ଼ା କଳାହାଣ୍ଡି ବରଗଡ ଜିଲ୍ଲାର ଶତାଧିକ କବି କବୟିତ୍ରୀ କବିତା ପାଠ କରିଥିଲେ । ଏହି ବର୍ଷର ଶ୍ରେଷ୍ଠ ପୁରସ୍କାର ସିରଜିନା ସମ୍ମାନ ଉତ୍ପନ୍ନ ଭୋଇଙ୍କୁ ପ୍ରଦାନ କରାଯାଇଥିଲା । ଦ୍ଵିତୀୟ ଅଧିବେଶନକୁ ବିଶିଷ୍ଟ ସମାଜସେବୀ ଚନ୍ଦନ ବଂସଲ ଓ ବିଶିଷ୍ଟ ଯୁବନେତା ପ୍ରୀତେଶ ବହିଦାର ଯୋଗଦାନ କରିଥିଲେ । ବିଶିଷ୍ଟ ବ୍ୟଙ୍ଗ କବି ସ୍ୱର୍ଗତ ମୋନରଞ୍ଜନ ସାହୁ ଯୋଗଦେଇ ହାସ୍ୟ ରସ ପୂର୍ଣ୍ଣ କବିତା ଗାନ କରି ଦର୍ଶକମାନଙ୍କ ହୃଦୟକୁ ଜିଣି ଯାଇଥିଲେ । ନାଟ୍ୟକାର ଅଶୋକ ବହିଦାର ଓ ଶେଷଦେବ ମେହେର ମଧ୍ୟ ମଞ୍ଚାସିନ ଥିଲେ । ଆଶିଷ ବୈକାର ଓ ଡିଲେଶ୍ୱର ବାଗଙ୍କୁ ନାରଦ ସମ୍ମାନରେ ସମ୍ମାନିତ କରାଗଲା ଓ ଆଶିଷ ବୈକରଙ୍କୁ ଅଭିନୟ ସମ୍ମାନ ଦିଆଯାଇଥିଲା । ସମ୍ବଲପୁରୀ ନନି ଆକାଂକ୍ଷା ସାହୁଙ୍କୁ ମଧ୍ୟ ସମ୍ମାନିତ କରାଯାଇଥିଲା । ଖର୍ସିବାଞ୍ଜୀର ଲିଟିଲ କଂସ ଦରବାର ଏକ ଟଙ୍କିଆ ସଂଗୀତ ସ୍କୁଲ ନୃତ୍ୟ ଓ ଭେଉଁରିଆ ଗାଁ ଝିଅମାନଙ୍କର ସମ୍ବଲପୁରୀ ନୃତ୍ୟ ମଧ୍ୟ ରାତ୍ର ପର୍ଯ୍ୟନ୍ତ ଦର୍ଶକ ମାନଙ୍କୁ ବାନ୍ଧି ରଖିଥିଲା । ଶେଷରେ ଗାଁର ମାଁମାନଙ୍କ ମଧ୍ୟରେ ହୋଇଥିବା ଝୋଟି, ରଙ୍ଗୋଳୀ ଓ ହୁଲହୁଲି ପ୍ରତିଯୋଗିତାରେ ଭାଗନେଇ ଥିବା ପ୍ରତିଯୋଗୀମାନଙ୍କୁ ସମ୍ମାନିତ କରାଗଲ । ଆନୁଷ୍ଠାନର ଆଦିତ୍ୟ କୁମାର ରଥ , ଆନନ୍ଦ ବେହେରା, ଆଖଣ୍ଡଲ ଦାଶ, ନରୋତ୍ତମ ଦାଶ, କିଶୋର ପାତ୍ର, ସନାତନ ବାରିକ ନିରଞ୍ଜନ ପଟେଲ, ପୌଳସ୍ତ୍ୟ ସାହା, ସୁଶାନ୍ତ ମହାପାତ୍ର, ଗୁଣ ମଣି ପଟେଲ, ଅନ୍ତର୍ଯ୍ୟାମୀ ମେହେର, ରମଣୀ ବିଶ୍ଵାଳ ରାଜେଶ ପଟେଲ, ସୁବାସ ସାହୁ ବିପିନ ପଟେଲ, ଅଶ୍ଵିନୀ ପଟେଲ, ରିପନ ସୁବ୍ରତ ସାହୁ ଓ ଭାଗ୍ୟଶ୍ରୀ ଗ୍ରୁପ୍ପ୍ର ସମସ୍ତ ମାଁ ଓ ଭଉଣୀ ଉପସ୍ଥିତ ରହି କାର୍ଯ୍ୟକ୍ରମରେ ସହଯୋଗର ହାତ ବଢ଼େଇ ଥିଲେ । ସିର୍ଜିନା ଅନୁଷ୍ଠାନର ସଂପାଦକ ତଥା ନାଟ୍ୟକାର ରାଜେନ୍ଦ୍ର କୁମାର ମହାନ୍ତିଙ୍କ ସଂପାଦନା ଓ ସଂଯୋଜନାରେ ସମସ୍ତ କାର୍ଯ୍ୟକ୍ରମ ସମ୍ପାଦିତ ହୋଇଥିଲା ।