ବ୍ରହ୍ମପୁର, (କେ. ସତ୍ୟନାରାୟଣ ରେଡ୍ଡୀ) : ଛତ୍ରପୁର ବ୍ଲକ ଅନ୍ତର୍ଗତ ବଉଳଗାଁ ଗ୍ରାମର କଲ୍ୟାଣେଶ୍ୱର ଯୁବକ ସଂଘ ପକ୍ଷରୁ ୧୫ ଓ ୧୬ ତାରିଖ ଦୁଇ ଦିନ ଧରି ଭଲିବଲ୍ ଟୁର୍ଣ୍ଣାମେଣ୍ଟ ଆୟୋଜିତ ହେଇଥିଲା । ୪ ଗୋଟି ଟିମ୍ ଅଂଶ ଗ୍ରହଣ କରିଥିବା ବେଳେ ଏହି ଟୁର୍ଣ୍ଣାମେଣ୍ଟ ଗୁରୁବାର ଉଦ୍ଯାପିତ ହୋଇଯାଇଛି । ଉଦ୍ଯାପନୀ ଦିବସରେ ରଣଝାଲି ଓ ବଡ଼ମଧାପୁର ଗ୍ରାମର ମଧ୍ୟରେ କ୍ରୀଡ଼ା ପ୍ରତିଯୋଗିତା ଅନୁଷ୍ଠିତ ହୋଇଥିଲା । ଏହି ମ୍ୟାଚ୍ରେ ରଣଝାଲି ବିଜୟ ହାସଲ କରିଥିଲା । ବିଜୟ ଦଳକୁ ଟ୍ରଫି, ମେଡାଲ ସହ ୧୦୦୦ ଟଙ୍କା ପ୍ରଦାନ କରାଯାଇଥିଲା । ଉଦ୍ଯାପିତ ଦିବସରେ ମୁଖ୍ୟ ଅତିଥି ରୂପେ ଏହି ଅଞ୍ଚଳର ଜଣାଶୁଣା ବରିଷ୍ଠ ଭଲିବଲ୍ ଖେଳାଳି ନରସିଂହ ପଣ୍ଡା, ଏକ୍ସ-ଆର୍ମି ଆଜମ୍ ବିର୍ଲା ବିଶ୍ଵାଳ, ଏକ୍ସ-ଆର୍ମି ମନୋଜ କୁମାର ପଣ୍ଡା, ପୂର୍ବତନ ଏସ୍.ଆଇ. ଦଣ୍ଡପାଣି ବେହେରା, ସମିତିସଭ୍ୟ ରାମଚନ୍ଦ୍ର ପରିଡା, ଭମ୍ବରା ଦାସ ଓ ଲୋକନାଥ ତ୍ରିପାଠୀ ପ୍ରମୁଖ ଉପସ୍ଥିତ ଥିଲେ । ପୂର୍ବରୁ କଲ୍ୟାଣେଶ୍ୱର ସଂଗଠନ ତରଫରୁ ଏହି ଅଞ୍ଚଳରେ ଯୁବକ ସଂଘ ବୃକ୍ଷ ରୋପଣ, ରକ୍ତଦାନ ଶିବିର ଭଳି ଅନେକ ପ୍ରକାର ଜନହିତକର କାର୍ଯ୍ୟ ଏବଂ ସାମାଜିକ କାର୍ଯ୍ୟ କରି ଆସୁଛନ୍ତି ।
Next Post