- ସାନଭି ଏକାଦଶ ସେମିଫାଇନାଲ ପ୍ରବେଶ କରିଛି
ବଲାଙ୍ଗିର, (କେପିଏନ୍ଏସ୍) : ସ୍ଥାନୀୟ ପୃଥ୍ୱୀରାଜ ହାଇସ୍କୁଲ ପଡିଆରେ ଚାଲିଥିବା ପ୍ରଥମ ଲଳିତ ନାୟକ ମେମୋରିଆଲ୍ ସର୍ବଭାରତୀୟ ଫ୍ଲଡ୍ ଲାଇଟ୍ କ୍ରିକେଟ୍ ଟୁର୍ଣ୍ଣାମେଣ୍ଟର ଦ୍ୱିତୀୟ ଦିବସରେ ମୁଖ୍ୟ ଅତିଥି ଭାବରେ ବଲାଙ୍ଗିର ଜିଲ୍ଲା ପରିଷଦ ଅଧ୍ୟକ୍ଷା ଦେବକୀ ସାହୁ ଯୋଗଦେଇଥିବା ବେଳେ ସମ୍ମାନିତ ଅତିଥି ଭାବରେ ସଦର ବ୍ଲକ ଅଧ୍ୟକ୍ଷା ସରିତା ବାଗ ଓ ପୁର୍ତ୍ତ ବିଭାଗର କାର୍ଯ୍ୟନିର୍ବାହୀ ଅଧିକାରୀ ଆଶୁତୋଷ ଜେନା ଯୋଗଦାନ କରିଥିଲେ । ଆଜିର ମ୍ୟାଚ୍ରେ ଦୁଆରସେନୀ ୱାରିୟର ସିନ୍ଧେକେଲାକୁ ହରାଇ ସାନଭି ଏକାଦଶ ସେମିଫାଇନାଲରେ ପ୍ରବେଶ କରିଛି । ଦୀପକ ରଞ୍ଜନ ନାୟକଙ୍କ ନେତୃତ୍ୱରେ ଆୟୋଜିତ ଟୁର୍ଣ୍ଣାମେଣ୍ଟରେ ସଭା କାର୍ଯ୍ୟକୁ ଅଙ୍କୁଶ କୁମାର ପାଣ୍ଡିଆ ପରିଚାଳନା କରିଥିଲେ । ଅତିଥିମାନେ ସ୍ୱର୍ଗତ ଲଳିତ ନାୟକଙ୍କ ସେବା କାର୍ଯ୍ୟ ଆଗାମି ପିଢ଼ି ପିଢ଼ି ପାଇଁ ପ୍ରେରଣାର ଉତ୍ସ ହୋଇ ରହିବ ବୋଲି କହିଥିଲେ । ମ୍ୟାଚ୍ ଗୁଡିକୁ ରାଜକୁମାର ପାଣିଗ୍ରାହୀ, ପ୍ରସାନନ ବାଗ ଓ ସୌରଭ ପଧାନ ଅମ୍ପାୟାର ଭାବେ ପରିଚାଳନା କରିଥିଲେ । ପାର୍ଥ ସାରଥୀ ଦାଶ ଏବଂ ବିଭୂତି ଭୂଷଣ ମିଶ୍ର ମ୍ୟାଚ୍ର ଧାରା ବିବରଣୀ ପ୍ରଦାନ କରିଥିଲେ । ସୁରଥ ଦାସ ୟୁଟୁବ୍ ଲାଇଭ୍ ପରିଚାଳନା କରିଥିଲେ । ଏହି ଟୁର୍ଣ୍ଣାମେଣ୍ଟରେ ଗୋପାଳ ଦାନୀ, ବୁଲୁ ବେହେରା, ଜୟନାରାୟଣ ବହିହାର, ବିବେକାନନ୍ଦ ପଟେଲ, ବିକି ହୋତା, ସୁମିତ ଦାସ, ପ୍ରଦୋଷ ବିଶି, ମନୋଜ କ୍ଷେତି, ବିଶ୍ୱଜିତ ପାତ୍ର, ସୁଜିତ ମିଶ୍ର, ରିଣ୍ଟୁ ଠାକୁର, ରୋହିତ ଚନ୍ଦନ, ସୁମିତ ସାହୁ, ଦେବାଶିଷ ଦାଶ, ଶୋଭାନ ଅଗ୍ରୱାଲ, ତାପସ ମହାନ୍ତି, ଜିତୁ ଥପା, ଆଶୁତୋଷ ବାଗ, ରାହୁଲ ସାହୁ, ଦେବାଶିଷ ବାରିକ, ମନୋଜ ଖେତି, ବିଶ୍ଵଜିତ ପାତ୍ର, ଆଶିଷ ବାରିକ ଓ ଶିବା ସାଏ ସହଯୋଗ କରୁଛନ୍ତି ।