ରାୟଗଡ଼ା, (ଅକ୍ଷୟ କୁମାର ପିଡ଼ିସିକା) : ଜଗନ୍ନାଥ ସଂସ୍କୃତି, ପରମ୍ପରା ଏବଂ ଜଗତର ନାଥ ଜଗନ୍ନାଥଙ୍କ ମହିମା ଓ ଭକ୍ତଙ୍କ ପ୍ରତି ଭଗବାନଙ୍କ କୃପା ବିଷୟରେ ଟିକିନିଖି ଭାଵେ ବୁଝାଇ ଦେଇଛନ୍ତି ପ୍ରବଚକ ପଣ୍ଡିତ ଶ୍ରୀ ଆଶୀର୍ବାଦଜୀ ମହାରାଜ । ବାବା ବଳିଆଙ୍କ ଶିଷ୍ୟ ସୁଦୂର କଟକ ଜିଲ୍ଲାରୁ ଆସିଥିଲେ । ରାୟଗଡ଼ ସହର ନିକଟ ମଙ୍ଗଳା ମନ୍ଦିର ପ୍ରାଙ୍ଗଣରେ ଚଳିତ ମାସ ୨୬ ତାରିଖରୁ ୩୦ତାରିଖ ୫ଦିନ ପର୍ଯ୍ୟନ୍ତ ପ୍ରଭୁ ଜଗନ୍ନାଥଙ୍କ ଜ୍ଞାନମ୍ବୃତ ବଣ୍ଟାଯାଇଥିଲା । ପବିତ୍ର କୃଷ୍ଣ ହରି ନାମ ସଙ୍କୀର୍ତ୍ତନ ସାଙ୍ଗକୁ ଭକ୍ତଙ୍କ ଭକ୍ତି ଭାବ ଏକ ପ୍ରକାର ଆଧ୍ୟାତ୍ମିକ ବାତାବରଣ ସୃଷ୍ଟି କରିଥିଲା । ମଙ୍ଗଳା ମନ୍ଦିର ପୂଜା କମିଟି ସଭାପତି ରାଜୁ ସାହୁ, ଉପ ସଭାପତି ବିନାୟକ କର, କାଉନସିଲର ଗୋପିନାଥ ଗୌଡ଼, ମିଟୁ ଭାଇ ଏଵଂ ମନ୍ଦିର କମିଟିର କନିଷ୍ଠ ଓ ବୟଜ୍ୟଷ୍ଟଙ୍କ ଇଛାଶକ୍ତି ପ୍ରଭାବରେ ୫ ଦିନ ବ୍ୟାପି ଜ୍ଞାନ ଯଜ୍ଞରେ ସ୍ଥାନୀୟ ଅଞ୍ଚଳ ବାସିନ୍ଦା ନିଜକୁ ଧନ୍ୟ ଧନ୍ୟ ମନେ କରିଛନ୍ତି । କଳିଯୁରେ କେବଳ ପ୍ରଭୁ କଥା, ପ୍ରଭୁଙ୍କ ନାମ ସଙ୍କୀର୍ତ୍ତନ ଏବଂ ମହିମା ହିଁ ଭବ ସାଗରରୁ ପାର କରିଥାଏ । ଦୀର୍ଘ ୫ ଦିନ ବ୍ୟାପି ସଂଧ୍ୟା ୬ଟାରୁ ୯ଟା ପର୍ଯ୍ୟନ୍ତ ପ୍ରବଚନ ଚାଲିଥିଲା । ଆଜି ପୂର୍ଣ୍ଣାହୁତି ହୋଇଯାଇଛି । ଏହି ପବିତ୍ର ଦିନରେ ଶ୍ରତା ସଙ୍କଳ୍ପ ନେଇଛନ୍ତି ଯେ, ଭଗବାନଙ୍କ ମହିମା ଗାଇବା, ନାମ ସଙ୍କୀର୍ତ୍ତନ କରିବା ଦ୍ଵାରା କଳି ଯୁଗର ମଣିଷ ଉପରେ ଏହାର କୌଣସି ପଡ଼ିବ ନାହିଁ ।