କଣ୍ଟାବାଞ୍ଜି ବନବିଭାଗ ଦ୍ଵାରା ୪୦ କ୍ଵିଣ୍ଟାଲ ଜାଳେଣୀ ଖଇର କାଠ ବୋଝେଇ ଏକ ଟ୍ରକ୍ ଓ ପିକ୍ଅପ୍ ସହ ଏକ ମୋଟର ସାଇକଲ୍ ଜବତ
- ଗାଡି ଡ୍ରାଇଭର୍ ସହ ମାଲିକ ଫେରାର
କଣ୍ଟାବାଞ୍ଜି, (ଗୁରୁଦୟାଲ ହଂସ) : ବଲାଙ୍ଗିର ଜିଲ୍ଲା କଣ୍ଟାବାଞ୍ଜି ଥାନା ଧୁମସୁ ଗ୍ରାମ ନିକଟରେ ରବିବାର ରାତିରେ ଏକ ଟ୍ରକ୍ ଓ ପିକ୍ଅପ୍ ଗାଡିରେ ୪୦କ୍ଵିଣ୍ଟାଲ ବେଆଇନ୍ ଭାବେ ଲକ୍ଷଧିକ ଟଙ୍କାର କାଠ ଚୋରା ଚାଲାଣ ହେଉଥିଲା । କଣ୍ଟାବାଞ୍ଜି ବନବିଭାଗ କୌଣସି ସୂତ୍ରରୁ ଖବର ପାଇ ରବିବାର ରାତି ସାଢେ଼ ୩ଟା ବେଳେ ଘଟଣାସ୍ଥଳକୁ ପହଞ୍ଚିଥିଲା । ବନବିଭାଗ କର୍ମଚାରୀ ପହଞ୍ଚିବା ଜାଣି ଟ୍ରକ୍ ଓ ପିକ୍ଅପ୍ ଡ୍ରାଇଭର୍ ସହ ମୋଟର ସାଇକଲ୍ ଚାଳକ ଅନ୍ଧାରର ସୁଯୋଗ ନେଇ ଫେରାର୍ ମାରିଥିଲେ । ଘଟଣାସ୍ଥଳରୁ ବନବିଭାଗ ଛତିଶଗଡ ନମ୍ୱର୍ ଥିବା ଟ୍ରକ୍ ନଂ ଏଚ୍ଆର୍ ୬୩ସି-୬୪୯୦ ଓ ସିଜି ୦୪ଏନ୍ଏସ୍୭୫୨୪ ପିକ୍ଅପ୍ ଗାଡି ଓ ହିରୋ ଗ୍ଲାମର୍ ମୋଟର ସାଇକଲ୍ ନଂ ଓଡି ୦୩ସି ୯୫୦୮ ଘଟଣାସ୍ଥଳରୁ ଜବତ କରିଛି । କଣ୍ଟାବାଞ୍ଜି ରେଞ୍ଜ କେସ୍ ନଂ ୨/୨୦୨୪-୨୫ ରୁଜୁ କରି ଅଧିକ ତଦନ୍ତ ଜାରି ଥିବା ରେଞ୍ଜର ସିଦ୍ଧାନ୍ତ କୁମାର ସାହୁ ସୂଚନା ଦେଇଥିବା ବେଳେ ଚଢ଼ାଉରେ ଫରେଷ୍ଟର୍ କାମେଶ୍ୱର ତାଣ୍ଡି, କୀର୍ତ୍ତିଚନ୍ଦ୍ର ସୁଆର, ନପ ହରପାଲ, ପାରାଗାର୍ଡ ଚିତ୍ତରଞ୍ଜନ ପାନିକା, କପିଳ ମାଝୀ, କେଶବ ମାଝୀ, ଜଳନ୍ଧର ବନଛୋର ସାମିଲ ଥିଲେ । ସୋମବାର ଦିନ ଜବତ ହୋଇଥିବା କାଠ ଏବଂ ଗାଡିର ପ୍ରକୃତ ଆସାମୀ ଅନୁସନ୍ଧାନ ପାଇଁ ବିଭାଗୀୟ ଆର୍ଟିଓକୁ ଚିଠି ଲେଖି ଥିବା ଅଫିସ ସୂତ୍ରରୁ ଜଣାଯାଏ ।