centurian jitm

ସମରେନ୍ଦ୍ର – ନରସିଂହଙ୍କ ମାରାଥନ ନିର୍ବାଚନ ପ୍ରଚାର

  • ଲୋକଙ୍କୁ ମିଛ କହି ଭୋଟ ମାଗୁଥିବା ରାଜନେତାଙ୍କୁ ବରଖାସ୍ତ କରନ୍ତୁ : ସମରେନ୍ଦ୍ର

ବଲାଙ୍ଗିର, (କେପିଏନ୍‌ଏସ୍‌) : ନିର୍ବାଚନ ପାଇଁ ସମରେନ୍ଦ୍ର – ନରସିଂହଙ୍କ ମାରାଥନ ନିର୍ବାଚନ ପ୍ରଚାର ଆରମ୍ଭ ହୋଇଛି । ସବୁ ଦଳର ରାଜନେତା ଭୋଟ୍‌ ମାଗିବା ପାଇଁ ଆପଣମାନଙ୍କ ପାଖକୁ ଆସିବେ । ଭୋଟ୍‌ ଦେବା ବେଳେ ଆପଣମାନେ ନିଶ୍ଚିତ ଭାବେ ରାଜନେତାଙ୍କ ଅତୀତ କାର୍ଯ୍ୟକଳାପକୁ ତର୍ଜମା କରିବେ । ଏବେ ଆପଣମାନଙ୍କ ପାଖକୁ ଏପରି ନେତା ଆସିବେ, ଯେଉଁମାନେ ଦୀର୍ଘ ବର୍ଷ ଧରି ସରକାରରେ ରହି ଗୁରୁତ୍ୱପୂର୍ଣ୍ଣ ବିଭାଗମାନଙ୍କରେ ମନ୍ତ୍ରୀ ଥାଇ ମଧ୍ୟ ଲୋକଙ୍କ ସମସ୍ୟା ପ୍ରତି ଅଣଦେଖା କରିଛନ୍ତି । ଏପରି କି ନୈତିକତାକୁ ଭୁଲି ଭୋଟ୍‌ ହାତେଇବା ପାଇଁ ସେହି ରାଜନେତାମାନେ ଅନେକ ପ୍ରକାର ମିଛ ପ୍ରତିଶ୍ରୁତି ଦେଇ ଆପଣମାନଙ୍କର ମୁଲ୍ୟବାନ ଭୋଟ୍‌ ହାତେଇବାର ଅପଚେଷ୍ଟା କରିଥାନ୍ତି । ଏହିପରି ରାଜନେତାଙ୍କୁ ଲୋକେ ଆଗାମୀ ନିର୍ବାଚନରେ ବରଖାସ୍ତ କରନ୍ତୁ ବୋଲି ଗତକାଲି ଦେଓଗାଁ ବ୍ଲକ ଅନ୍ତର୍ଗତ ମୁକୁନ୍ଦପୁର ପଂଚାୟତର ତେଲପାଲି, ମହଲେଇ ପଂଚାୟତର ମହଲେଇ, ଉପରଝର ପଂଚାୟତର ଉପରଝର ଗାଁଠାରେ ଆସନ୍ତା ବିଧାନସଭା ନିର୍ବାଚନ ପରିପ୍ରେକ୍ଷିରେ ଅନୁଷ୍ଠିତ ଜନ ଆଶିର୍ବାଦ୍‌ ସଭାରେ ବଲାଙ୍ଗିର ନିର୍ବାଚନ ମଣ୍ଡଳି କଂଗ୍ରେସ ବିଧାୟକ ପ୍ରାର୍ଥୀ ସମରେନ୍ଦ୍ର ମିଶ୍ର ନିଜ ବକ୍ତବ୍ୟରେ କହିଛନ୍ତି । ବିଧାୟକ ପ୍ରାର୍ଥୀ ଶ୍ରୀ ମିଶ୍ର ଆହୁରି ମଧ୍ୟ କହିଛନ୍ତି ଯେ, ଏହି ଅଂଚଳର ବିକାଶଧାରାକୁ ଆଗକୁ ନେବାକୁ ହେଲେ ପୁଣିଥରେ କଂଗ୍ରେସ ଦଳକୁ ଭୋଟ୍‌ ଦେବାକୁ ହେବ । ଏହି ଅବସରରେ ଉପସ୍ଥିତ ବଲାଙ୍ଗିର ବିଧାୟକ ନରସିଂହ ମିଶ୍ର କହିଛନ୍ତି ଯେ ଅବହେଳିତ ସମାଜର ସ୍ୱର ହେଉଛି କଂଗ୍ରେସ ଦଳ । ଦେଶ ଓ ରାଜ୍ୟରେ ଯଦି କେଉଁ ଦଳ ଲୋକଙ୍କ ହକ୍‌ର କଥା କହୁଛି ସେ ହେଉଛି କଂଗ୍ରେସ ଦଳ । ଅବହେଳିତ, ନିଷ୍ପେସିତଙ୍କୁ ସାମାଜିକ ତଥା ଅର୍ଥନୈତିକ ସୁରକ୍ଷା ହେଉ କି ଯୁବକଙ୍କୁ ରୋଜଗାରର କଥା, ସବୁ ସମସ୍ୟା ସମାଧାନ ପାଇଁ କେବଳ ନିର୍ବାଚନ ସମୟରେ ନୁହେଁ ବର୍ଷ ତମାମ ବିଧାନସଭା, ଲୋକସଭା ଓ ରାଜରାସ୍ତାରେ କଂଗ୍ରେସ ଦଳ ହିଁ ଅବହେଳିତଙ୍କ ସ୍ୱର ଭାବରେ ଅନବରତ କାମ କରିଆସୁଛି । ତେଣୁ ଏଥର ନିଶ୍ଚିତ ଭାବେ ଲୋକେ ଆମ ଅଂଚଳରେ କଂଗ୍ରେସ ଦଳ ପ୍ରତି ପୁଣି ଆସ୍ଥା ପ୍ରକଟ କରିବେ ବୋଲି ବିଧାୟକ ନରସିଂହ ମିଶ୍ର କହିଛନ୍ତି । ଅନ୍ୟମାନଙ୍କ ମଧ୍ୟରେ ଦେଓଗାଁ ବ୍ଲକ ଉପାଧ୍ୟକ୍ଷା ସୂର୍ଯ୍ୟକାନ୍ତି ଛତ୍ରିଆ, ରାମଜୀ ଚୌଧୁରି, ଆଦିବାସୀ ନେତା ମୟ ପ୍ରଧାନୀ, ସେବାଦଳ ମୁଖ୍ୟ ଅସୀତ ମିଶ୍ର, ମନବୋଧ ହରପାଲ, ନାରାୟଣ ସାହୁ, ରାଜୁ ବିଶ୍ୱାଲ, ସରପଂଚ ଚିତ୍ତ ରଂଜନ ସାହୁ, ଶଙ୍କର୍ଷଣ ମହାପାତ୍ର, କୃଷ୍ଣଚନ୍ଦ୍ର ସାହୁ, ବରୁଣ ଧରୁଆ, ପଡୁ ରଣା, ସରୋଜ ଭୋଇ ପ୍ରମୁଖ ମଂଚାସୀନ ଥିଲେ ।

Leave A Reply

Your email address will not be published.