କଂଟାବାଞ୍ଜି, (କୈଳାଶ ସଗ୍ରିଆ) : କଂଟାବାଞ୍ଜି ସହରରେ ଆଜି ବିଜେଡ଼ି ପକ୍ଷରୁ ବିଶାଳ ଶଙ୍ଖ ଜନ ସମ୍ପର୍କ ସମାବେଶ ଅନୁଷ୍ଠିତ ହୋଇଯାଇଛି । ସ୍ଥାନୀୟ ଜଗନ୍ନାଥ ମନ୍ଦିରଠାରୁ ଏକ ବିଶାଳ ଶୋଭାଯାତ୍ରା ବାହାରି ସହର ପରିକ୍ରମା କରି ଜିଆର୍ ପ୍ୟାଲେସଠାରେ ଅନୁଷ୍ଠିତ ସମାବେଶ ସ୍ଥଳରେ ପହଂଚିଥିଲା । ବଲାଙ୍ଗିର ଜିଲ୍ଲା ସ୍ୱତନ୍ତ୍ର ଉନ୍ନୟନ ପରିଷଦର ଉପାଧ୍ୟକ୍ଷା ନିରୁପମା ମାଝୀଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ସମାବେଶରେ କଂଟାବାଞ୍ଜି ନିର୍ବାଚନ ମଣ୍ଡଳୀର ତୁରେକେଲା, ବଙ୍ଗୋମୁଣ୍ଡା, ମୁରିବାହାଲ ବ୍ଲକ୍ର ହଜାର ହଜାର ମହିଳା ଓ ପୁରୁଷମାନେ ଯୋଗ ଦେଇଥିଲେ । ଏହି ସମାବେଶରେ ମୁଖ୍ୟ ଅତିଥି ରୂପେ କଂଟାବାଞ୍ଜି ନିର୍ବାଚନ ମଣ୍ଡଳୀର ପର୍ଯ୍ୟବେକ୍ଷକ ରାଜୁ ଘିଭେଲା ଯୋଗ ଦେଇଥିଲେ । ଏହା ସହ ବିଜୁ ଜନତା ଦଳର ଆଗଧାଡ଼ିର ବିଜେଡି ନେତାମାନେ ମଂଚାସୀନ ଥିଲେ । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ସରକାରଙ୍କ ବିଭିନ୍ନ ଜନହିତକର ଯୋଜନା ଉପରେ ଅତିଥିମାନେ ମତବ୍ୟକ୍ତ କରିଥିଲେ । ଏଥର ବିଜେଡ଼ି ଦଳ ବିପୁଳ ପରିମାଣରେ ଭୋଟ ପାଇ ବିଜୟ ହୋଇ ଲୋକଙ୍କ ସେବା କରିବ ବୋଲି ନେତାମାନେ ମନ୍ତବ୍ୟ ରଖିଥିଲେ ।