ବଙ୍ଗୋମୁଣ୍ଡା, (ଅର୍ଜୁନ କୁମାର ହଂସ) : ବଲାଙ୍ଗିର ଜିଲ୍ଲା ବଙ୍ଗୋମୁଣ୍ଡା ସ୍ଥିତ ଚମାର ମେହେର ଉଚ୍ଚ ବିଦ୍ୟାଳୟରେ ସାହିତ୍ୟ ସୃଜନୀ, ଜିଜ୍ଞାସା, କୁଶଳୀ ତଥା କ୍ରୀଡାଙ୍ଗନ ସୃଜନଶୀଳତା ଉତ୍ସବ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଏହି ଉତ୍ସବରେ ପ୍ରଥମେ ମହାପୁରୁଷଙ୍କ ପ୍ରତିମୂର୍ତ୍ତିରେ ମାଲ୍ୟାର୍ପଣ କରିବା ପରେ ସଭା ଆରମ୍ଭ ହୋଇଥିଲା । ଏହି ଉତ୍ସବରେ ବିଦ୍ୟାଳୟର ଛାତ୍ରଛାତ୍ରୀ ତାଙ୍କର କ୍ଲବ ଅନୁସାରେ ବିଭିନ୍ନ କଳାର ପ୍ରଦର୍ଶନ କଲେ । ଏଥିରେ ପିଲାଙ୍କ ହାତଲେଖା ଗପ ଓ କବିତା, ସୂଚନା ଓ ପ୍ରଯୁକ୍ତି ବିଦ୍ୟାର ବ୍ୟବହାର ଶୈଳୀ ସହ ହାତ ତିଆରି ବିଭିନ୍ନ ସାମଗ୍ରୀ ସ୍ଥାନ ପାଇଥିଲା । ଏହି କାର୍ଯ୍ୟକ୍ରମରେ ପ୍ରଧାନ ଶିକ୍ଷକ ଓ ସହକାରୀ ଶିକ୍ଷକଙ୍କ ପୂର୍ଣ୍ଣ ଯୋଗଦାନ ରହିଥିଲା । ଉକ୍ତ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଏସ୍ଏମ୍ଡିସି ସଭାପତି ଲଳିତ ମୋହନ ମେହେର, ପୁରାତନ ଛାତ୍ର ବିଜୟ ଅଗ୍ରୱାଲ, ନରେନ୍ଦ୍ର ମେହେର, ଭୁବନେ ମେହେର, ଡକେଶ୍ୱର ମେହେର । ଏହି କାର୍ଯ୍ୟକ୍ରମ ଅଭିଭାବକ ଓ ପୁରାତନ ଛାତ୍ର ଛାତ୍ରୀଙ୍କ ଉପସ୍ଥିତିରେ ସଫଳତାର ସହ ସମାପ୍ତ ହୋଇଥିଲା ।