- ଖୁଜେନପାଲିକୁ ହରାଇ ଅମାମୁଣ୍ଡା ସେମିଫାଇନାଲରେ
ବଲାଙ୍ଗିର, (ଦେବାଶିଷ ମିଶ୍ର) : ଦ୍ୱିତୀୟ ମଣି ବରିହା ସ୍ମାରକୀ ଫୁଟବଲ ଟୁର୍ଣ୍ଣାମେଣ୍ଟ ଖୁଜେନପାଲି ପଡିଆରେ ଜନକଲ୍ୟାଣ ଯୁବକ ସଂଘ କାଲସାଏପାଲି ତରଫରୁ ଆୟୋଜନ କରାଯାଇଛି । ଦ୍ୱିତୀୟ ବର୍ଷରେ ଫୁଟବଲ କୋଚ ମଣି ବରିହା ସ୍ମାରକୀ ଫୁଟବ ଟୁର୍ଣ୍ଣାମେଣ୍ଟ ଅନୁଷ୍ଠିତ ହୋଇଯାଇଛି । ପାଂଚ ଦିନ ଧରି ଏହି ପ୍ରତିଯୋଗିତା ଅନୁଷ୍ଠିତ ହେବ । ଏଥିରେ ୧୬ ଗୋଟି ଦଳ ଅଂଶଗ୍ରହଣ କରିଛନ୍ତି । ଆଜିର ଏହି ଖେଳରେ ଖୁଜେନପାଲିକୁ ଟ୍ରାଇବ୍ରେକର ଜରିଆରେ ୧-୦ରେ ହରାଇ ଅମାମୁଣ୍ଡା ଦଳ ସେମିଫାଇନାକୁ ପ୍ରବେଶ କରିଛି । ଏହି ଖେଳରେ ଯୁଥ ଏକ୍ସନ କମିଟି ସଭାପତି ବିନୋଦ କାଲସାଏ, ବିଙ୍ଗ ହ୍ୟୁମେନ ପ୍ରତିଷ୍ଠାତା ସୋମନାଥ ମିଶ୍ର, କୋସଲ ମୁକ୍ତି ମୋର୍ଚ୍ଚା ବିକାଶ ସା, ଖୁଜେନପାଲି ଗ୍ରା.ପ. ସମିତି ସଭ୍ୟା ସୂର୍ଯ୍ୟକାନ୍ତି ସାହୁ ଯୋଗ ଦେଇ ଖେଳାଳିମାନଙ୍କୁ ଉତ୍ସାହିତ କରିଥିଲେ । ଆଜିର ଖେଳକୁ ସଞ୍ଜିବ ମହାରଣା, ପ୍ରଫୁଲ୍ଲ ବଗର୍ତ୍ତି, ପୁରୁଷୋତ୍ତମ ବୁଡେକ, ଖଲିଲ ରହେମାନ ପରିଚାଳନା କରିଥିଲେ । ଦେବାଶିଷ କାଲସାଏ, ସୁଦାମ କାଲସାଏ, ଗୋପିନାଥ କାଲସାଏ, କାମଦେବ ଷାଣ୍ଡ, ଦୌଳତ କୁଦେଇ, ରାହସ ସୁନା, ଶଙ୍କର ଦୀପ ପ୍ରମୁଖ ସହଯୋଗ କରିଥିଲେ ।