ବଲାଙ୍ଗିର, (କେପିଏନ୍ଏସ୍) : ଭୀମ ଭୋଇ ମେଡ଼ିକାଲ କଲେଜ ଓ ହସ୍ପିଟାଲ୍ରେ ଅନୁଷ୍ଠିତ ହୋଇଥିବା ନୂଆ-ଓ ଓଡିଆ ସାହିତ୍ୟ ପ୍ରତିଯୋଗିତା କାର୍ଯ୍ୟକ୍ରମର ପୁରସ୍କାର ବିତରଣ ଏବଂ ଉଦ୍ଯାପନୀ ସମାରୋହ ଅନୁଷ୍ଠିତ ହୋଇଯାଇଛି । ଏହି ସଭାରେ ଅତିଥି ରୂପେ ପଦ୍ମଶ୍ରୀ କୈଳାଶ ଚନ୍ଦ୍ର ମେହେର, ମୁଖ୍ୟବକ୍ତା ରୂପେ ରାଷ୍ଟ୍ରପତି ପୁରସ୍କାର ପ୍ରାପ୍ତ ଶ୍ରୀମତୀ ଏଲୋରା ମିଶ୍ର, ଡ. ସ୍ଵୟଂପ୍ରଭା ମିଶ୍ର, ନୋଡାଲ ଅଫିସର ଡ. ସୁଚରିତା ମହାନ୍ତି ମଞ୍ଚସ୍ଥ ଥିଲେ । ଓଡ଼ିଶାର ପରମ୍ପରା, ସଂସ୍କୃତି ଓ ସାହିତ୍ୟ ଉପରେ ବିଶେଷ ଚର୍ଚ୍ଚା ମଞ୍ଚାସୀନ ଅତିଥି କରିଥିଲେ । କଠିନ ପରିଶ୍ରମ ଦ୍ୱାରା ସଫଳତା ସମ୍ଭବ ବୋଲି ମଞ୍ଚାସୀନ ଅତିଥିଗଣ ମତବ୍ୟକ୍ତ କରିଥିଲେ । ଓଡ଼ିଶା ସରକାରଙ୍କ ଏହି ଅଭିନବ ପ୍ରୟାସ ଯୁବଗୋଷ୍ଠୀଙ୍କୁ ନିଶ୍ଚିତ ଭାବରେ ଅନୁପ୍ରାଣିତ କରିଛି ବୋଲି ଏକମତ ହେବା ସହ ଛାତ୍ରଛାତ୍ରୀଙ୍କ ଉଜ୍ଜ୍ଵଳ ଭବିଷ୍ୟତ ପାଇଁ କାମନା କରିଥିଲେ । କାର୍ଯ୍ୟକ୍ରମ ଶେଷରେ ପ୍ରତିଯୋଗିତାର ବିଜେତାମାନଙ୍କୁ ମାନପତ୍ର ସହ ପୁରସ୍କାର ବିତରଣ କରାଯାଇଥିଲା ।