ବଲାଙ୍ଗିର, (କେପିଏନ୍ଏସ୍) : ବଲାଙ୍ଗିର ପୃଥ୍ୱୀରାଜ ହାଇସ୍କୁଲର ୧୯୮୫ ମାଟ୍ରିକ ବ୍ୟାଚ୍ର ବାର୍ଷିକ ବନ୍ଧୁ ମିଳନ ମାଧିଆପାଲି ସ୍ଥିତ ରାଜକୁମାର ନାଏକଙ୍କ ଆମ୍ବ ବଗିଚାରେ ଅନୁଷ୍ଠିତ ହୋଇଯାଇଛି । ଏହି ବାର୍ଷିକ ବନ୍ଧୁ ମିଳନରେ ଦୂର ଦୂରାନ୍ତରରୁ ଆସିଥିବା ସହପାଠୀ ବନ୍ଧୁମାନେ ନିଜ ନିଜର ପାଠପଢାର ଅନୁଭୂତି ବର୍ଣ୍ଣନା କରିଥିଲେ । ସମସ୍ତେ ବୟସର ଅପରାହ୍ନରେ ପହଞ୍ଚିଥିବାରୁ ସହପାଠୀ ବନ୍ଧୁମାନଙ୍କର ପାଇଁ ଏକ କଲ୍ୟାଣ ପାଣ୍ଠି କରିବାକୁ ସମସ୍ୱରରେ ମତ ଦେଇଥିଲେ । ବନ୍ଧୁ ମିଳନକୁ ସୁନ୍ଦର ଭାବରେ ଆୟୋଜନ କରିବାରେ ଦେବାଶିଷ ପୁରୋହିତ, ସୁନୀଲ ମିସ୍ତ୍ରୀ, ସନ୍ତୋଷ ସାହୁ, ପ୍ରଶାନ୍ତ ମାହାଣା, ରାଜକୁମାର ନାଏକ, ଯୁଗଲ ଦାଶ, ପ୍ରଦୀପ ଷଢଙ୍ଗୀ, ବିମଲ ମେହେର, ସୁନୀଲ ମହାନ୍ତି, ରମେଶ ପାଢୀ, ସୁଜିତ ପରିଚ୍ଛା ଓ ଅନ୍ୟମାନେ ଅକ୍ଲାନ୍ତ ପରିଶ୍ରମ କରିଥିଲେ ।