ବଲାଙ୍ଗିର, (କେପିଏନ୍ଏସ୍) : ବଲାଙ୍ଗିର ବ୍କୁଜୁମ୍ କନସେପ୍ଟ ସ୍କୁଲର ବାର୍ଷିକ ଖେଳ ଉତ୍ସବ ଉଦ୍ଯାପିତ ହୋଇଯାଇଛି । ସେଞ୍ଚୁରିଆନ ସ୍କୁଲର ପରିଚାଳନା ନିର୍ଦ୍ଦେଶକଙ୍କ ସଭାପତିତ୍ଵରେ ଉକ୍ତ ସ୍କୁଲର ଖେଳ ପଡ଼ିଆରେ ଏହି ଖେଳ ଉତ୍ସବ ଆରମ୍ଭ ହୋଇଥିଲା । ଏହି ଖେଳ ଉତ୍ସବରେ ଛାତ୍ରଛାତ୍ରୀମାନେ ବିଭିନ୍ନ ପ୍ରତିଯୋଗିତା ଯେପରିକି ବାଧାଦୌଡ, ଦୌଡ, ମାର୍ବଲ ସ୍ପୁନ ରେସ୍, ବସ୍ତା ଦୌଡ ଇତ୍ୟାଦି ଖେଳରେ ଭାଗ ନେଇଥିଲେ । ଏହି ଖେଳ ଉତ୍ସବର ଉଦ୍ଯାପନୀ ଉତ୍ସବରେ ସ୍କୁଲର ସମସ୍ତ ଛାତ୍ରଛାତ୍ରୀ ତଥା ଅଭିଭାବକଙ୍କୁ ନିମନ୍ତ୍ରଣ କରାଯାଇଥିଲା । ଉତ୍ସବଟି ଦିନ ୯.୩୦ ମିନିଟରେ ଆରମ୍ଭ ହୋଇଥିଲା । ସମ୍ମାନିତ ଅତିଥି ପବ୍ଲିକ ହେଲ୍ପ ସ୍ପେସିଆଲିଷ୍ଟ ଏବଂ ପୂର୍ବତନ ଏଡିଏମ୍ଓ ଶ୍ରୀମତୀ ମଞ୍ଜୁଲତା ପଣ୍ଡା ତଥା ସେଞ୍ଚୁରିଆନ ନିର୍ଦ୍ଦେଶକ ଡ଼ଃ ପ୍ରଦୀପ ଷଡ଼ଙ୍ଗୀ, ସ୍କୁଲର ପ୍ରଧାନ ଶିକ୍ଷୟିତ୍ରୀ ଶ୍ରୀମତୀ ସୁନନ୍ଦିନୀ ଗୁରୁଙ୍କ ଦ୍ଵାରା ପ୍ରଦୀପ ପ୍ରଜ୍ୱଳନ ଠାରୁ । ଏହି ଉତ୍ସବରେ ସମ୍ମାନିତ ଅତିଥି ଶ୍ରୀମତୀ ପଣ୍ଡା ଖେଳର ବିଜୟୀ ପ୍ରତିଯୋଗୀମାନଙ୍କୁ ସାଟିଫିକେଟ୍ ଓ ମେଡାଲ ପ୍ରଦାନ କରି ସମ୍ମାନୀତ କରିଥିଲେ । ତା’ପରେ ବ୍ଲୁଜୁମର ଛାତ୍ରଛାତ୍ରୀମାନେ ଅନେକ ପ୍ରକାରର ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରିଥିଲେ । ଏହି କାର୍ଯ୍ୟକ୍ରମକୁ ପରିଚାଳନା କରିଥିଲେ ଶ୍ରୀମତୀ ରଶ୍ମି ଦାସ ଓ ମିସ୍ ସୋନମ ସାହୁ । ସ୍କୁଲର ସମସ୍ତ ଶିକ୍ଷକ ଶିକ୍ଷୟିତ୍ରୀ ତଥା ଷ୍ଟାଫଙ୍କ ସହଯୋଗରେ କାର୍ଯ୍ୟକ୍ରମଟି ସଫଳ ମଣ୍ଡିତ ହୋଇଥିଲା । ଶେଷରେ ସ୍କୁଲର ଅଧ୍ୟକ୍ଷା ଭୋଟ ଅପ୍ ଥାଙ୍କସ୍ ଦେଇ କାର୍ଯ୍ୟକ୍ରମକୁ ସଫଳ କରାଇଥିବାରୁ ସମସ୍ତଙ୍କୁ ଧନ୍ୟବାଦ ଦେଇ କାର୍ଯ୍ୟକ୍ରମକୁ ସମାପ୍ତ କରିଥିଲେ ।
