ଲୋଇସିଂହା, (ବିମଳେନ୍ଦୁ ସାହୁ) : ଲୋଇସିଂହା ବ୍ଲକ ଅନ୍ତର୍ଗତ ଝାରମୁଣ୍ଡା ଏଥ୍ଲେଟିକ୍ ଏସୋସିଏସନ୍ ପକ୍ଷରୁ ନୂଆଁଖାଇ ଭେଟ୍ଘାଟ୍ – ୨୦୨୩ ଅନୁଷ୍ଠିତ ହୋଇଯାଇଛି । ସ୍ଥାନୀୟ ଷ୍ଟାଡିୟମ ପରିସରରେ ଆୟୋଜିତ ଏହି ଉତ୍ସବରେ ମୁଖ୍ୟ ଅତିଥି ଭାବେ ରାଜ୍ୟ ହାଉସିଂ ବୋର୍ଡ ଅଧ୍ୟକ୍ଷ କଳିକେଶ ନାରାୟଣ ସିଂହଦେଓ ଯୋଗ ଦେଇଥିଲେ । ସମ୍ମାନୀତ ଅତିଥି ଭାବେ ବିଜେଡ଼ି ରାଜ୍ୟ ପରିଷଦ ସଭ୍ୟ ନିହାର ରଞ୍ଜନ ବେହେରା, ପୂର୍ବତନ ଜିଲ୍ଲା ପରିଷଦ ସଭ୍ୟ ବିଜୟ କୁମାର ପଧାନ, ଜିଲ୍ଲା ପରିଷଦ ସଭ୍ୟା ଲିଲିମା ବେହେରା ଓ ସଂଯୁକ୍ତା ବରିହା ଯୋଗ ଦେଇଥିଲେ । ଏହି ଅବସରରେ ପୂର୍ବାହ୍ନରେ ଆୟୋଜିତ ରକ୍ତଦାନ ଶିବିରକୁ ଅତିଥି ବୃନ୍ଦ ଉଦ୍ଘାଟନ କରିଥିଲେ । ଏଥିରେ ୨୮ ୟୁନିଟ ରକ୍ତ ସଂଗୃହୀତ ହୋଇଥିଲା । ଏହାସହ ନୂଆଁଖାଇ ଭେଟ୍ଘାଟ୍ କାର୍ଯ୍ୟକ୍ରମରେ ବିଭିନ୍ନ କ୍ଷେତ୍ରରେ ସଫଳତା ହାସଲ କରିଥିବା ବ୍ୟକ୍ତି ବିଶେଷ ଓ ଛାତ୍ରଛାତ୍ରୀଙ୍କୁ ସମ୍ବର୍ଦ୍ଧିତ କରାଯାଇଥିଲା । ସମ୍ବର୍ଦ୍ଧିତ ବ୍ୟକ୍ତିମାନେ ହେଲେ ଆନନ୍ଦ ଧରୁଆ, ସଞ୍ଜୟ ପଧାନ, କାର୍ତ୍ତିକ କର୍ତୀ, ଗୋବିନ୍ଦ ବେହେରା, ସୁନୀଲ ଅଗ୍ରୱାଲ, ସୁକୁମାର ପଟେଲ, ଗୋକୁଳ ମେହେର, ଅନ୍ତର୍ଯ୍ୟାମୀ ମେହେର, ଶୁଭମ ମେହେର, ସୌମ୍ୟ ରଞ୍ଜନ ମହାକୁର, ମିନାକ୍ଷୀ ବଗର୍ତ୍ତୀ ଓ ଡ଼ଲି ଧରୁଆ । କାର୍ଯ୍ୟକ୍ରମ ପରିଚାଳନାରେ ସଭାପତି ଶ୍ୟାମ ସୁନ୍ଦର ମେହେର, ସଂପାଦକ ସଚିଦାନନ୍ଦ ସାହୁ, ମନୋଜ ଧରୁଆ, ସୁଧାଂଶୁ ମହାକୁର୍, ବିରେନ୍ଦ୍ର ଧରୁଆ, ସନ୍ତୋଷ ମେହେର, ସୁନୀଲ ମେହେର, ବିନୋଦ ଧରୁଆ, ଦିନେଶ ସାହୁ, ବଳଦେବ ବେହେରାଙ୍କ ସମେତ ସମସ୍ତ କର୍ମକର୍ତ୍ତା ସହଯୋଗ କରିଥିଲେ ।