ଭୋଗରାଇ, (ଶିବନାରାୟଣ ପାତ୍ର) : ଭୋଗରାଇ ବ୍ଲକ ଖରିଦପିପଳ ଗ୍ରାମପଞ୍ଚାୟତ ଅଧୀନସ୍ଥ ଖରିଦପିପଳ ସେବା ସମବାୟ ସମିତିର ଧାନମଣ୍ଡି ମଙ୍ଗଳବାର ଉଦ୍ଘାଟିତ ହୋଇଯାଇଛି । ମୁଖ୍ୟ ଅତିଥି ଭାବେ ଭୋଗରାଇ ପଞ୍ଚାୟତ ସମିତି ଅଧ୍ୟକ୍ଷା ମଞ୍ଜୁରାଣୀ ବେହେରା ଯୋଗଦେଇ ଧାନମଣ୍ଡିକୁ ଉଦ୍ଘାଟନ କରି ଚାଷୀ ମାନଙ୍କୁ ସମସ୍ତ ପ୍ରକାର ସରକାରୀ ସ୍ତରରେ ସୁବିଧା ସୁଯୋଗ ଯୋଗାଇଦିଆଯିବ ବୋଲି ବକ୍ତବ୍ୟ ପ୍ରଦାନ କରିଥିଲେ । ସମ୍ମାନୀତ ଅତିଥି ଭାବେ ବ୍ଲକ୍ ସମବାୟ ସଂପ୍ରସାରଣ ଅଧିକାରୀ ବସନ୍ତ ଗିରି, ଖରିଦପିପଳ ଗ୍ରାମପଞ୍ଚାୟତ ବିଜୁ ଜନତା ଦଳର ସଭାପତି କେଶବ ଚନ୍ଦ୍ର ପାଳ, ପ୍ରାକ୍ତନ ଜିଲ୍ଲା ପରିଷଦ ସଦସ୍ୟ ହେମନ୍ତ ବେହେରା, ପ୍ରାକ୍ତନ ସମିତି ସଭାପତି ଆଶୁତୋଷ ମହାନ୍ତି , ୩୦ ନଂ ଜୋନ କଂଗ୍ରେସ ସଭାପତି ରାଜେନ୍ଦ୍ର ପଣ୍ଡା, ସମାଜସେବୀ ମୁରଲୀ ମୋହନ ପଟ୍ଟନାୟକ ପ୍ରମୁଖ ଯୋଗଦେଇ ଚାଷୀମାନେ ଖାଦ୍ୟ ଯୋଗାଇବାରେ ସେମାନଙ୍କ ଅତୁଳନୀୟ ଅବଦାନର ଗୁରୁତ୍ୱ ପ୍ରଦାନ କରିଥିଲେ । ସମିତିର ସଂପାଦକ ଅନନ୍ତ ସାମଲ ଧନ୍ୟବାଦ ପ୍ରଦାନ କରିଥିବାବେଳେ ଧାନମଣ୍ଡି ନିକଟରେ କର୍ମଚାରୀ ନନ୍ଦକିଶୋର ପାଣିଗ୍ରାହୀ, ସତ୍ୟଗୋପାଳ ସାମଲ, ଦୟାନିଧି ପାଳ, କାର୍ତ୍ତିକ ଚନ୍ଦ୍ର ଦେ ଏବଂ ଅନେକ ଚାଷୀ ଉପସ୍ଥିତ ଥିଲେ ।