ରାଉରକେଲା, (ସସ୍ମିତା ପ୍ରଧାନ) : ସ୍ଵଚ୍ଛତା ଓ ପରିବେଶ ପ୍ରତି ପ୍ରତିବଦ୍ଧତା ରଖିଥିବା ସାମାଜିକ ଅନୁଷ୍ଠାନ କ୍ଲିନ୍ ଆଣ୍ଡ ଗ୍ରୀନ୍ ତରଫରୁ ସେକ୍ଟର ୬ ସ୍ଥିତ ଇସ୍ପାତ ଫିଟନେସ ପାଥ୍ଠାରେ ସ୍ବଚ୍ଛତା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଅନୁଷ୍ଠାନର ସଭାପତି ଡା. ଦେବେନ୍ଦ୍ର କୁମାର ସେଠୀଙ୍କ ସଭାପତିତ୍ୱ ଓ ସାଧାରଣ ସମ୍ପାଦକ ପ୍ରଦୀପ କୁମାର ଦାସଙ୍କ ଆବାହକତ୍ୱ ତଥା ବରିଷ୍ଠ ସଦସ୍ୟ ପି ସି ମିଶ୍ରଙ୍କ ଦିଗଦର୍ଶନରେ ଅନୁଷ୍ଠାନର ପ୍ରାୟ ୩୫ଜଣ ସଦସ୍ୟ ଏହି କାର୍ଯ୍ୟକ୍ରମରେ ଅଂଶ ଗ୍ରହଣ କରିଥିଲେ । ହିମାଂଶୁ ବେହେରା ଓ ସୁରେନ୍ଦ୍ର କୁମାର ମହାନ୍ତିଙ୍କ ପ୍ରଦତ୍ତ ଘାସ କଟା ମେସିନ୍ ସାହାଯ୍ୟରେ ଓ ସ୍ଥାନୀୟ ଅଞ୍ଚଳର କିଛି ଉତ୍ସାହୀ ବ୍ୟକ୍ତି ତଥା ସାଗର ପାଣି, ଦିନେଶ ସିଂ, ସାବିତ୍ରୀ ସାହୁ, ମନୋଜ ନାୟକ, ଧୀରେନ୍ଦ୍ର ପ୍ରସାଦ ଦାସ, ଅଶୋକ ପଟେଲ, ଧର୍ମେନ୍ଦ୍ର ପାତ୍ର ପ୍ରମୁଖ ଓ ଅନ୍ୟମାନେ ଏହି କାର୍ଯ୍ୟକ୍ରମରେ ସହଯୋଗ କରିଥିଲେ । ସେହିପରି ସଂଧ୍ୟାରେ ସେକ୍ଟର ୮ ସ୍ଥିତ ଆଶାର ଆଲୋକ ଠାରେ କଦଳୀ, ପଣସ ସହ ବିଭିନ୍ନ ଚାରା ରୋପଣ କରାଯାଇଥିବା ବେଳେ ପରିସରରେ କିଛି ପନିପରିବା ଚାଷ ପାଇଁ ବଗିଚା କ୍ଷେତ୍ର ପ୍ରସ୍ତୁତ କରାଯାଇଥିଲା ।