କଂଟାବାଞ୍ଜି, (ଗୁରୁଦୟାଲ ହଂସ) : ବଲାଙ୍ଗିର ଜିଲ୍ଲା କଂଟାବାଂଜି ବନ ବିଭାଗ ଦ୍ୱାରା ବାଲଦାଶ ଗ୍ରାମରୁ ଲକ୍ଷାଧିକ ଟଙ୍କାର ଶାଗୁଆନ କାଠ ଏବଂ ଫର୍ଣ୍ଣିଚର ଜବତ କରାଯାିଛି । ଜବତ ଆସାମୀକୁ ଗିରଫ କରିନଥିବା ବେଳେ ଏକ ୟୁଡି କେସ ମାମଲା ରୁଜୁ କରିଥିବା ବନ ବିଭାଗ ଠାରୁ ପ୍ରକାଶ । ମିଳିଥିବା ସୂଚନା ଅନୁସାରେ କଂଟାବାଂଜି ଥାନା ଧାମାନଡଙ୍ଗା ପଂଚାୟତ ବାଲଦାସ ଗ୍ରାମର ଏକ ଘରୁ ୯ ସି.ଏଫ.ଟି. ଶାଗୁଆନ କାଠରୁ ଅର୍ଦ୍ଧନିର୍ମିତ ପଲଙ୍କ ଏବଂ ଅନ୍ୟାନ୍ୟ ଜିନିଷ ଜବତ କରିଛି । ଜବତ ଘରୁ ଆସାମୀ ଫେରାର ଥିବା ବେଳେ ତାକୁ ଗିରଫ କରାଯାଇ ନାହିଁ । ଏହି ଚଢଉରେ କଂଟାବାଂଜି ରେଂଜର ଶ୍ରଦ୍ଧାଦେବ ବଡମାଲି, ଫରେଷ୍ଟର କାମେଶ୍ୱର ତାଣ୍ଡି, କିର୍ତୀଚନ୍ଦ୍ର ସୁଆର, ସୁନିଲ ଛତ୍ରିଆ, ଫରେଷ୍ଟଗାର୍ଡ ନପ ହରପାଲ, ପ୍ରଦୀପ ମାଝି, ପରମାନ୍ଦ ମାଝି, ସପ୍ତଶ୍ୱିନୀ ହେର୍ଣ୍ଣା, କୃଷ୍ଣଚନ୍ଦ୍ର ବନଛୋର, ସହ ପାରା ପ୍ରୋଟେକ୍ସନ ଫୋର୍ସ ସାମିଲ ଥିଲେ । କଂଟାବାଞ୍ଜି ବନ ବିଭାଗ ୟୁଡି କେସ ନଂ. ୪/୨୦୨୩-୨୪ ରୁଜୁ କରି ଅଧିକ ତଦନ୍ତ ଚାଲୁଥିବା ରେଂଜର ବଡମାଲିଙ୍କଠାରୁ ପ୍ରକାଶ ।