ରାଉରକେଲା, (ସସ୍ମିତା ପ୍ରଧାନ) : ସହରର ଅଗ୍ରଣୀ ସାହିତ୍ୟାନୁଷ୍ଠାନ ବାସନ୍ତୀ ପାଠାଗାର ତରଫରୁ ମାସିକ ସାହିତ୍ୟ ଆସର ପାଠାଗାର ପରିସରରେ ଅନୁଷ୍ଠିତ ହୋଇଯାଇଛି । ପାଠାଗାରର ନବ ନିର୍ବାଚିତ ସଭାପତି ଡ଼ଃ ଶକ୍ତିପ୍ରସାଦ ସାମନ୍ତରାୟଙ୍କ ସଭାପତିତ୍ୱ ଓ ସାଧାରଣ ସମ୍ପାଦକ ଅଜୟ ପ୍ରଧାନଙ୍କ ଆବାହକତ୍ଵ ତଥା ସୁଭାଷିନୀ ସାହୁଙ୍କ ସଂଯୋଜନାରେ ଆୟୋଜିତ ଏହି ଆସରରେ ପ୍ରଫେସର ଶଙ୍କର ପ୍ରସାଦ ତ୍ରିପାଠୀ ମୁଖ୍ୟ ଆଲୋଚକ ଭାବେ ଯୋଗଦେଇ ଆଲୋଚ୍ୟ ବିଷୟ ‘ବିକାଶ କ୍ଷେତ୍ରରେ ସମାନ ଅଧିକାରିଣୀ ନାରୀ’ ସମ୍ପର୍କରେ ଆଲୋଚନା କରିଥିଲେ । ସେ ନିଜ ବକ୍ତବ୍ୟରେ କହିଲେ ଯେ, ନାରୀ ନିଜର କର୍ମ ପ୍ରତି ପ୍ରତିବଦ୍ଧତା ଓ ସାମାଜିକ ଦାୟିତ୍ୱବୋଧ ସହ ଘରର ଯାବତୀୟ ଜଞ୍ଜାଳକୁ ସଠିକ ଭାବେ ତୁଲାଇ ନିଜର ପାରଦର୍ଶିତାକୁ ପ୍ରମାଣିତ କରିବା ସହ ବିକାଶ କ୍ଷେତ୍ରରେ ନିଜର ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରି ପାରିଛନ୍ତି । ତେଣୁ ବିକାଶ କ୍ଷେତ୍ରରେ ସମାନ ଅଧିକାରିଣୀ ଭାବେ ନାରୀ ଉଭା ହୋଇଛି । ଏହି ଅବସରରେ ଗାଳ୍ପିକା ଅଧ୍ୟାପିକା ପ୍ରଣତୀ ବେହେରା ଗଳ୍ପ ପାଠ କରିଥିଲା ବେଳେ ଦ୍ବିତୀୟ ପର୍ଯ୍ୟାୟରେ କବି ଗୌତମ ଦାସ ଓ ରଶ୍ମି ସାହୁଙ୍କ ସଂଯୋଜନାରେ କବିତା ପାଠୋତ୍ସବ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ଏହି ଆସରରେ ସର୍ବଶ୍ରୀ ଵିଜୟ ସାହୁ, ଅନିଲ ଦାଶ, ବିଭୁଦତ୍ତ ବେହେରା, ଅଜୟ ମହାନ୍ତି, ତ୍ରିନାଥ ସିଂହ, ସୁଶାନ୍ତ ନାୟକ, ତ୍ରିଲୋଚନ ସ୍ବାଇଁ, ଉପେନ୍ଦ୍ର ବସ୍ତିଆ, ଗଦାଧର ରଥ, ମୀନକେତନ ପଶାୟତ, ରବିନ୍ଦ୍ର ଠାକୁର, ଅଶୋକ ପଟ୍ଟନାୟକ, ସରୋଜ ପାତ୍ର, ତମନ୍ନା ମିଶ୍ର, ନାରାୟଣ ଖଣ୍ଡେଲୱଲ, ଓକିଲ ପାତ୍ର, କବିତା ଦାଶ, ଦିପ୍ତିଲତା ବେହେରା, ସୁସ୍ମିତା ସ୍ବାଇଁ, ଅକ୍ଷୟ ଦାସ, ଶରତ ରାଉତ, ଶୁକଦେବ ସାହୁ, ନିରୁପମା ଚାନ୍ଦ, ସ୍ବର୍ଣ୍ଣଲତା ଘଡେଇ, ଗୀତାଞ୍ଜଳି ମହାରଣା, ରଶ୍ମିରେଖା ପଣ୍ଡା, ପ୍ରିୟା ପାତ୍ର, ମମତା ମହାପାତ୍ର, କୁଳମଣି ଦାସ, ବସନ୍ତ ମହାରଣା, କବିତା ପ୍ରଧାନ, ସଞ୍ଜୁକ୍ତା ଦାଶ, ଅରବିନ୍ଦ ପାତ୍ର, ଶରତ ସ୍ଵାଇଁ, ସଂଗ୍ରାମପ୍ରିୟ ତନ୍ତୀ, ବିବେକ ପାତ୍ର ପ୍ରମୁଖ ଉପସ୍ଥିତ ରହି କାର୍ଯ୍ୟକ୍ରମକୁ ସଫଳ କରାଇଥିଲେ ।