ବରପାଲିପଡ଼ାର ଏକ ଦୋକାନରୁ ଚୋରି କରି ଦୋକାନ ମାଲିକଙ୍କୁ ମରଣାନ୍ତକ ଆକ୍ରମଣ କରିବା ଘଟଣା : ଅଭିଯୁକ୍ତଙ୍କୁ ଗିରଫ କରି କୋର୍ଟ ଚଲାଣ
ବଲାଙ୍ଗିର, (କେପିଏନ୍ଏସ୍) : ବଲାଙ୍ଗିର ସହର ବରପାଲିପଡ଼ାର ଜଣେ ଦୋକାନରୁ ଚୋରି କରି ଦୋକାନ ମାଲିକଙ୍କୁ ମରଣାନ୍ତକ ଆକ୍ରମଣ କରିବା ଘଟଣାରେ ଟାଉନ ପୋଲିସ ଜଣେ ଅଭିଯୁକ୍ତଙ୍କୁ ଗିରଫ କରି ଆଜି କୋର୍ଟ ଚଲାଣ କରିଥିବା ସୂଚନା ମିଳିଛି । ଗିରଫ ଅଭିଯୁକ୍ତ ଜଣକ ହେଲେ ଚିମିନିଭାଟିପଡାର ପପୁ ଠାକୁର । ସୂଚନା ଅନୁସାରେ ପପୁ ଠାକୁର ଓ ଅନ୍ୟ ଦୁଇ ଜଣ ଅଭିଯୁକ୍ତ ବରପାଲିପଡ଼ାର ଏକ ଦୋକାନରୁ ଚୋରି କରୁଥିଲେ । ଏହି ସମୟରେ ଦୋକାନ ମାଲିକ ଦେଖି ଚିତ୍କାର କରିବାରୁ ସେମାନେ ଦୋକାନ ମାଲିକଙ୍କୁ ଆକ୍ରମଣ କରି ଫେରାର୍ ମାରିଥିଲେ । ଏନେଇ ଟାଉନ ଥାନାରେ ମାମଲା ରୁଜୁ ହେବା ପରେ ପୁଲିସ ଘଟଣାର ତଦନ୍ତ ଆରମ୍ଭ କରିଥିଲା । ଗତକାଲି ଅଭିଯୁକ୍ତ ପପୁ ଠାକୁରଙ୍କୁ ଗିରଫ କରି ଥାନାକୁ ଆଣିଥିଲେ । ଆଜି କୋର୍ଟ ଚାଲାଣ କରାଯାଇଥିବା ସୂଚନା ରହିଛି ।